محمد نادر نجم برنامج الدوم يطرح مليب أغنيته الجديدة "رقصنى على المزيكا".. فيديو
طرح المطرب محمد نادر، نجم برنامج “الدوم” كليب أغنيته الجديدة “رقصنى على المزيكا” عبر قناته الرسمية على موقع الفيديوهات الشهير “يوتيوب”، والمنصّات الموسيقية.
أغنية رقصنى على المزيكا
أغنية رقصنى على المزيكا من كلمات مبارك، وألحان زياد وائل، وتوزيع موسيقى يوسف علاء، ومن توزيع شركة Digital Sound.
من هو محمد نادر؟
المطرب محمد نادر شارك برنامج الدوم لاكتشاف المواهب، فى دورته عام 2022، وقام بغناء أغنية الفنان بهاء سلطان، “يا ترى” وقدم أداء جميل، ونال إعجاب لجنة التحكيم المكونة من الفنان حميد الشاعرى، والملحن عمرو مصطفى، والشاعر الغنائى أمير طعيمة.
كلمات أغنية رقصنى على المزيكا
وتقول كلمات أغنية ”رقصنى على المزيكا”..
من وقت ملامحك قلبي
قالي إلحقها بسرعه قوام
فـ طوعته وقولتله حاضر
و محضرتش اي كلام
ولقيت الفرحه معاكي
فـ قولت خلاص للحزن سلام
أنا بيكي الدنيا راضتني
و زي الفل وكله تمام
بوجودك جنبي حقيقي
ثقتي فـ نفسي بقت بـ تزيـد
إحساسي فـ قربك يشبه
فرحة طفل بـ ليلة العيـد
دلوقتي بعيش أيامي
كأني معشتش و إنتي بعيد
دلوقتي فهمت أنا ليه و إزاي
اختارتك بـ التحديد
انا قلبي يا ناس فرحان
رقصني علي المزيكا يا عم كمان وكمان
دلوقتي معايا حبيبتي و أغلى الناس ،وخلاص
أيامي الحلوه هتبدأ من هنا
دي هديه يا ناس ، شايفين
صدقت فـ كلامها بجد غير التانيين ،ولقيت
حضنها ده علاج لجروحي وضهر وبيت
واكيد ، دي عوض صبر السنين من ربنا
انتي التحويشة الحلوه و رزقي
الي فـ يوم كان متشال
انتي البنت اللي صانتني
عشان مـ الاخر بنت حلال
انتي اللي البصه فـ عينيك
قادره تخليني اهد جبال
هو أنتي بجد حقيقه عشان نفهم
ولا إنتي خيال
دلوقتي عرفت مكاني
وقلبي لقى له خلاص عنوان
دلوقتي بعيش الحلم
اللي اتخيلتو بـ قلبي زمان
السما بعتتلي ملاك
متشكل علي هيئة انسان
دلوقتي أنا مهما خسرت
هكون جنبك دايما كسبان
انا قلبي يا ناس فرحان
رقصني علي المزيكا يا عم كمان وكمان
دلوقتي معايا حبيبتي و أغلى الناس ،وخلاص
أيامي الحلوه هتبدأ من هنا
دي هديه يا ناس ، شايفين
صدقت فـ كلامها بجد غير التانيين ،ولقيت
حضنها ده علاج لجروحي وضهر وبيت
واكيد ، دي عوض صبر السنين من ربنا