كان زي الطفل.. كارول سماحة تكشف لأول مرة أسرار سنوات مرض زوجها قبل الوفاة
بأول ظهور لها بعد رحيل زوجها المنتج وليد مصطفى، أعربت النجمة كارول سماحة عن خوفها الشديد من الموت والمرض، لتتطرق بعدها للحديث عن فترة مرض زوجها، وذلك خلال لقائها مع الإعلامية منى الشاذلي ببرنامج “معكم منى الشاذلي”.
كارول سماحة: أكتر حاجة وجعتنى لما زوجي كان بيجهزنى إنه هيودعنا خلاص
وقالت كارول سماحة: "بخاف من الموت والمرض، ولما دخل علينا مرض زوجى وليد فى حاجات كتير اتغيرت، وأكتر حاجة وجعتنى لما كان بيجهزنى إنه هيودعنا، وده اللى أثر علينا وعلى طاقة البيت".
وأضافت: "زوجي قبل ما يتوفى كان بيلعب معانا زى الأطفال، وعشنا سنين طويلة مع المرض، واتفقنا نخفيه عن الناس، علشان منشفش نظرة التعاطف".
كارول سماحة: أى حد حضنته فى عزاء زوجى كنت أشعر أنه أخى حتى اللى معرفوش
كما أعربت عن امتنانها الشديد لكل من واساها في مصابها الأليم بعد فقدان زوجها الراحل حيث قالت: “أى حد حضنته فى عزاء زوجى كنت أشعر أنه أخى حتى اللى معرفوش، كنت محتاجة الأمان، وبشكر كل الناس اللى وقفت جمبى من الزملاء والفنانين، منهم منى الشاذلى”، مؤكدة أنها شعرت أن من حضر العزاء أتى عن حب.
واختتمت كارول حديثها عن فقدان زوجها بقولها: “مقدرتش أودع زوجى فى المسجد فقط وحبيت أودعه فى المقابر”.