محمد بركات: قرار الخطيب صعب ومفاجئ.. وصحته أغلى من الأهلي
علق محمد بركات، نجم الأهلي السابق على قرار محمود الخطيب، رئيس النادي الأهلي، مؤكدًا أن الخطوة جاءت مفاجئة للجميع داخل القلعة الحمراء.
وقال بركات في تصريحاته عبر قناة MBC مصر 2:"القرار كان مفاجئ لينا، لأن الكابتن الخطيب قيمة كبيرة جدًا في الأهلي، وخدم النادي 50 سنة لاعبًا، مدير كرة، عضو مجلس إدارة، ورئيس نادي. الأهلي مهم لينا كلنا، لكن صحة الكابتن الخطيب أهم وأغلى من أي حاجة."
وأضاف: "هو جيه على نفسه كتير.. كان بيروح رحلته العلاجية ويخلصها ويرجع على طول لأنه الكبير بتاع الأهلي ووجوده ضروري. فكرة إنه يبقى مش موجود فجأة دي حاجة صعبة جدًا، وأنا بتمنى إنه يتراجع عن قراره."
وأشار بركات إلى أن البيان الأخير أثار القلق داخل النادي: "امبارح سمعنا إن البيان هينزل واتأجل وبعدين نزل، وده خلاني أقلق. نفسي الكابتن الخطيب يراجع نفسه من غير ما ده ييجي على حساب صحته."