المجني عليهم عاكسوا أخت صاحبي فضربتهم بالعصا.. اعترافات طفل المرور
مثل المتهم أحمد أبو المجد والمعوف إعلاميا بطفل المرور، و2 آخرين متهمين في قضية الاعتداء على شاب وضربه بعصا بيسبول في منطقة المقطم، أمام جهات التحقيق، للإدلاء باعترافات تفصيلية حول الواقعة.
ويستكمل "الوفد"، نشر اعترافات المتهم وأقواله أمام جهات التحقيق:
وبسؤال طفل المرور، ما الذي حدث في الواقعة، وما هي ظروف ضبطك وعرضك علينا؟
ج: اللي حصل أن أنا كنت قاعد مع صاحبي اسمه إبراهيم علي كافيه بنفطر، وجالي تليفون من واحد صاحبي اسمه طوني، قالي إن اخته “روز”، فيه حد عاكسها، وأنه ادخل عشان يشوف الموضوع، والعيال ضربوه، وإنه عايزني أقابله قدام المدرسة، اللي بيدرس فيها اللي عاكس اخته.
وتابع أحمد أبو المجد، أإنا قولت لصاحبي طوني، ابعتلي لوكيشن، وأنا جايلك، وبالفعل، بعت لوكيشن وخدت صاحبي اللي كنت قاعد معاه، واتحركنا بعربيته إلى المكان، وأول ما موصلنا، قابلت طوني وركب معانا العربية ، وقالي امشي قدام شوية، لحد ما وصلنا للعيال.
المتهم: نزلت “ألوش” بالعصايا الحديد في المجني عليهم
وأردف المتهم، صديقي شاورلنا على الشباب، وقفنا العربية قدامهم، وأنا نازل شفت عصايا، في شنطة عربية "إبراهيم"، خدتها وانزلنا أنا وطوني، وإبراهيم، ولقيت طوني دخل يضرب فيهم، فأنا دخلت أنا كمان ضربتم بالعصايا، وكنت بلوش مش قاصد أعور حد.
طفل المرور: العصا ضربت وجه الضحية
وأكمل: لقيت من غير ما أقصد العصايا، جات في وش واحد منهم ووقع على الأرض، فأول ما شفت كده أنا وطوني، ركبنا العربية، مع إبراهيم، وجرينا وبعدها لقيت الموضوع انتشر ونزل على الفيسبوك، فقولت أكيد الشرطة هتدور علي، فقعدت أتنقل كل يوم في حتة مختلفة، لحد ما كلمت حد من صحابي، استخبيت عند جده في مدينة نصر، وفجأة لقيت المباحث جاية تقبض علي من نفس المكان.
س: متى وأين أول مرة حدث ذلك؟
ج: الكلام ده حصل من حوالي تلت أيام مش فاكر أمني بالتحديد حوالي الساعة / السابعة، والنصف من أمام مدرسة المقطم، وتمسكت من بيت جد صاحبي في مدينة نصر.
س: ما سبب وملابسات تواجدك بالزمان والمكان سالف الذكر؟
ج: أنا كنت قاعد مع إبراهيم صاحبي، وجالي تليفون من صديقي طوني قالي إنه اتخانق مع شباب عاكسوا اخته، وإنه وقف عند المدرسة بتاعتهم وبيستنجد بينا، فخدت صاحبي إبراهيم ورحتله.
س: من كان برفقتك آنذاك؟
ج: كان معايا “إبراهيم. و”، وقابلت “طوني. ش ” أمام المدرسة محل الواقعة.
س: ماه يعلاقتك بكلا من المتهمين المضبوطين في الواقعة؟
ج: صحابي
س:ما علاقتك بالمجني عليهم تفصيلًا؟
ج: أنا معرفش حد منهم.
س: وهل من ثمة خلافات سابقة فيما بين أحد المتهمين والمجني عليهم؟
ج: فيه خلاف بين طوني والمجني عليهم.
