ارجعي

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.
"سمية عبدالمنعم"

ارجعى نورى عمرى الباقى
وخلى الفرقة دى تبقى تلاقى
مبنامش الليل من اشواقى
و واثق انك بتبادلينى..

إرجعى طمنى خوفى عليكى
و خلينى معاكى و حواليكى..
بُعدنا مش حل هيرضيكى
كل ده وانتى بعيد عن عينى!

إرحمى روحك من تعذيبها..
بتعاندى وانا لا يمكن أسيبها.. 
إقسى وقولى البعد نصيبها.. 
و إعندى أكتر و إتحدينى

طب شوفتى اما قدرنا جمعنا
و الحلم كمان جه و طمّعنا..
كل ده مالهوش عندك معنى!!
طب حتى المرة دى جاوبينى

انا عارف انك محقوقة..
وتقلانة وقال مش مدلوقة.. 
و علشانى اساسا مخلوقة..
و لو فاكرة بغيرى هتنسينى

كدابة ومين ده اللى يجرب؟!.. 
لو بس يشاور و يقرب ..
و ياريت قبلها بقى يتدرب.. 
و لو قد منافسة يورينى

محتاجك انتى و مش طيفك.. 
تدوشي ايامى بتخاريفك.. 
انا اصلا رافض تصنيفك.. 
انك من يومها فارقتينى