علي قدورة: المزيكا حرام بكل أشكالهأ والحمدلله اني اعتزلت.. وأنا مش شيخ
أكد الفنان المعتزل علي قدورة أنه لا يعتبر برنامجه الجديد “دينيًا”، لكنه يحمل رسائل اجتماعية تستهدف فئة الشباب، مشيرًا إلى أنه ابتعد عن الفن عن قناعة شخصية، وأنه يرى “المزيكا” حرامًا بكل أشكالها.
علي قدورة عن حرمانية الغناء: الحلال بين والحرام بين
وقال “قدورة”، خلال مداخلة هاتفية ببرنامج بنظرة تانية الذي يقدمه الإعلامي محمود الجلفي على قناة الشمس: برنامجي شبابي اجتماعي، وأنا مستني الناس تشوفه وتحكم.
وردًا على سؤال هل ده برنامج ديني ولا لأ؟، رد علي قدورة قائلاً: هو مش برنامج ديني، لأني مش شيخ، إنما فكرتي كانت إننا نوجّه الشباب ونديهم نصايح تساعدهم لما يمروا بمشاكل، وقدمنا ده بلغة الجيل الجديد علشان يحسوا إنه قريب منهم.
علي قدورة: الأغاني والرقص اللي كنت بقدمه من لهو الحديث
وعن اعتزاله الفن رغم نجاحه وانتشاره، تابع: القرار مجاش في يوم وليلة، كنت بفكر فيه من فترة، وبالذات في آخر أيام ليا في المجال، وكنت بحاول أقرب من ربنا، والغناء اللي بدأت به كان طاقة شبابية أو نزوة، وكان الهدف منها إني اشتهر.
وأضاف: الحرام بيّن والحلال بيّن، وكلنا عارفين ده. وأنا كمسلم شايف إن المزيكا حرام بكل أنواعها
وحول الفرق بين الفن الهادف والهابط من وجهة نظره، قال: "أنا هتكلم عن حتتي، اللي هي المزيكا والمعازف، واللي بشوف إنها نوع من لهو الحديث، اللي بيخلي الناس تهرب من مشاكلها، ويحرك غرائز، ويدفعهم يقولوا كلام مش كويس"