هموم وطن
الدعاه والائمه والعوام لايتوقفون عن الدعاة وحجاج بيت الله الحرام بجهرون بالدعاء المختلط بالبكاء ، ورغم ذلك لم يزول الكيان ولم تننتصر المقاومه ،وكاننا امام مسلسل على طريقة الدراما التركيه لدينا امل في ان بتمكن الجوعى المحاصرين من النصر على اقوى جيوش المنطقه ، وان المثلث الاحمر المقلوب الذى يشار به الى الاليات والمدرعات الإسرائيلية قبل تدميرها سيظل كما هو ونحن نصفق لهم ونكبر ونهلل ثم نغير المحطه بحثا عن ماتشات الدورى او المسلسلات ، وفكرت كثيرا في عدم استجابة الدعاء وكانت قصيدتى العاميه بعنوان
الدعاء ما بيترفعش
الدعاء مش لو حده هو اللى بيحوش الغدر
والندر بيتندر لما تكون قادرين على الوفاء بالندر
والجميع شغال دعا بس الدعاء ما بيترفعش ولا يمكن مابيتسمعش
..واوعوا تنسوا إن الاله مابيتخدعش.
.............
هو البكاء اللى فى قلب الحرم لعب......
ولاالدموع اللى فى عنينا كذب...... ولاالقلوب اللى جوانا اتملت غش ....كش.. ملك والملك شغال بالزنبلك
ورقعة الشطرنج اتعمل فيها نفق ،،،، والكل اتفق....
لازم تكون المقاومه هفأ
والوزير خان الملك .....والحصان والفيل والعسكرى .... كله اتهلك
لجل الكيان يعربد فى الوطن
والخريطه شريطه إمحى غزه م الوجود
....... اقتل المرأه مع المولود
وإلغوا الحدود ..
وابدأو صفقة القرن !
واحنا لسه شغالين فى الدعا....
هو الدعا يترفع من ايدين مليانه دم ....، ولا الدعا يتقبل من نفوس شغاله ذم ،،،، ولا الإمام بقى م الذنوب يؤتم
والله ماعاد حدانا دم ..
الملياربن كذابين.... مش مٰسلمين و مسلمين امرهم للعم ..... وابن العم ،سام الوجوه بالدم
مفيش تلتميت راجل من بتوع بدر... مفبش دعوه مستجابة فى ليلة القدر
ولا الغدر بقى عمله رايجه بالدولار
يالا العوار....!!
السلاح يترفع على شعوبنا واللحى رافعه الشعار
إقتل الشيعى ده أخطر من الكفار .....
وإقتل السنى واغسل بإيدك العار
قالوا حزب الله شيعى عليه اللعنه... واهو نصرالله غار
والحوثى مش موصى يحرر الاقصى ولا من الأنصار
والتركى والدرزى والكردى كمالة عدد ..أنفار
والنار ماسكه فى غزه والدماء انهار
والعرب فى الطرب لسه وجوه صاعده والرقص بالصاجات شغال
أحرار يا عرب أحرار
احنا العناوله ابناء معاويه والحكم لينا من غير مداوله
وفلسطين قالوا عنها زمان...... اولها فلس وآخرها طين
ولا فاكرين صلاح الدين هيرجع تانى بحطين
فضوها سيره واخركم فى الدعاء وقتين وانتم تقولو ورانا امييييين