حسبي الله ونعم الوكيل.. بدرية طلبة تبكي على الهواء (فيديو)
قالت الفنانة بدرية طلبة إن نجاحها وشهرتها تسبب في مشاكل في حياتها الزوجية، معقبة: "كنت بعوض ده في البيت إنى أكون ست أوي في البيت وإنى أبين أنك راجل البيت ولك كل حقوقك في البيت".
وكشفت بدرية طلبة، خلال حوارها مع الإعلامية أميرة بدر، المذاع على قناة النهار، قائلة: "كنت بقلع جوزي الجزمة واعمل له رجله عشان أعوض فرق النجاح وهو مش كان بيتفهم ده في كل الأوقات وفي أوقات حاجات كنت بعملها ومش واخده بالي منها لكن هو وقف جنبي في حياتي المهنية"، مؤكدًا أن هناك ناسًا يتفننون في وجع الآخرين.
والله ما بنام
وبكت بدرية طلبة أثناء ردها على اتهامها بقتل زوجها، قائلة: “رفعت قضية على صاحبة هذا الاتهام.. أنا عشت مع زوجي أكثر من 30 سنة وحسبي الله ونعم الوكيل في من يقول هذا الكلام.. والله ما بنام من حزني على زوجي”.
وتابعت: "نفسيتي كانت مش متظبطة بعد وفاة جوزي وتعبانة حتى لو هو آخر 6 سنين من حياته كان بعيد شوية عشان المسرح ولكن دي عشرة عمر وهو كان متأثر بسبب المسرح".
كشفت الفنانة بدرية طلبة، معلومات جديدة للإعلامية أميرة بدرة ببرنامج "أسرار"، عن كواليس وفاة زوجها وعدم حضور النجمة ياسمين عبدالعزيز الجنازة قائلة: "ياسمين فضلت معايا على الشات بعد وفاة جوزي وأنا مسافرة فرنسا وكانت عايزة تجيب لى طائرة خاصة تجيبني عشان اطلع ادفن جوزي وهي واقفة معايا ومش كل حاجة تتحكي".
وأكدت بدرية طلبة، خلال حوارها ببرنامج "أسرار"، المذاع على قناة النهار، أن ياسمين عبد العزيز جاءت لها وعزتها في وفاة زوجها بمنزلها وصدمت من وفاة جوزي، مضيفة: "صدمتها لأني قبلها كنت بكلمها على الشات ومكنش في حاجة ثم فوجئت بخبر الوفاة على السوشيال ميديا وكانت هتمشي في الإجراءات عشان الطيارة وكنت بهديها وكانت هتتجنن عليا في الغربة وتعيط قبلي على جوزي".
وتابعت: "ياسمين عبدالعزيز مش محتاجة تكون حنينة مع حد وهي حنينة طول الوقت وفي ناس كتير حاولت توقع بيننا وأنا ماضية مع ياسمين مسرحية في السعودية وهي لها كام حد بتحبهم جدا أنا وإيمان السيد وحسن عبد الفتاح وهي بتحب الناس بتوعها ومفيش حاجة غريبة في كدة ولنا كيمياء حلوة مع بعض".
وكانت تصدرت الفنانة بدرية طلبة التريند على جوجل ومواقع التواصل الاجتماعي، وذلك بعد تهنئة الفنانة ياسمين عبدالعزيز بمناسبة عيد ميلادها الذى يوافق ١٦ يناير.
ونشرت بدرية طلبة صورة لياسمين عبدالعزيز من خلال حسابها على موقع انستجرام، وكتبت قائلة: “١٦ يناير عيد ميلاد القمر كل سنة وأنتِ جميلة وقلبك مليان خير كل سنة وأنتِ ناجحة ومكسرة الدنيا كل سنة وأنتِ ربنا بيحبك وزارع فى قلوب الناس حب ليك يملا الكون.. كل سنة وأنتِ وأولادك وكل حبايبك بخير وصحة وسعادة ربنا يبارك فى صحتك وأولادك ويبعد عنك الأذى يا قلب قلبي بحبك يا ياسو”.