بسمة بوسيل تنعى الملحن محمد رحيم : "قيمة كبيرة فى مصر والوطن العربى"

 نعت النجمة بسمة بوسيل، الملحن محمد رحيم، واصفة إياه بأنه "قيمة كبيرة" في مصر والوطن العربي، وكشفت النجمة عن ذكرياتها الأولى مع الراحل، معبرة عن صدمتها لرحيله المفاجئ.

 وأبدت بسمة بوسيل، على صفحتها الرسمية بموقع “إنستجرام” عبر خاصية الاستورى، حزنها على الملحن، مؤكدة أنها كانت زارته أخيرًا لاستعادة أغنية قديمة له، ولم تكن تعلم أنها ستكون آخر مرة تراه فيها، وكتبت قائلة: "مش عارفة ليه الناس الطيبين دائمًا بيروحوا مننا، الراجل دا قيمة كبيرة أوي في مصر والوطن العربي، عمري ما أنسى لما قابلته أول ما جيت مصر".

 واستكملت: “كان عاملي أغنية أسمها ”يوم عيد ميلادي"، روحتله من أسبوع علشان أخدها منه تانى بعد 14 سنة واتفقنا على حاجات كان نفسي أغنيها، مش مصدقة إني كنت بودعه، وأن 3 ساعات دول وكل الكلام اللي قالهولي كان آخر حاجة هسمعها منه، في الجنة يا محمد ربنا يرحمك يا طيب، والنبي ادعلوا كتير أوي الراجل ده كان ملاك بجد".

 وكانت النجمة بسمة بوسيل طرحت أغنية " قادرين يا حب"، كلمات سارة سعيد، وألحان عمرو صفا، وحققت نجاحًا كبيرًا فور طرحها.