أحمد فهمي يكشف كواليس بداياته الفنية: اشتغلت ورا رقاصة وأجري كان 12جنيه
كشف الفنان أحمد فهمي كواليس بدايته الفنية، قائلا: "أنا في المعهد كنت عايز أشتغل عشان ادخل فلوس وكنت قاعد على قهوة في العتبة بالكمان وجالي واحد وقالي تعالى واشتغلت معاه في الأفراح وكنت باخد 12 جنيه في النمرة بتاعتي"
وأضاف أحمد فهمي، خلال حواره مع الإعلامية والفنانة إسعاد يونس في برنامج "صاحبة السعادة" المذاع على قناة "دي إم سي": في مرة رحت اشتغل مع عازف كمان في فندق وكنت بشتغل مع رقاصة في الفندق ده ولما دخلت على المسرح لقيت فرقة موسيقية واشتغلت مع الرقاصة دي وعازف الكمان قالي هتاخد 50 جنيه في النمرة".
بعرف أعزف بيانو منذ أن كان عمري 4 سنوات
وتابع أحمد فهمي: "أنا اتولدت في عائلة بها 5 بنات وأبويا وأمي.. وأبويا كان بينسخ النوت الموسيقية وأنا بعرف أعزف بيانو منذ أن كان عمري 4 سنوات وأمي قالت لأبويا دخل أحمد معهد الكونفرستوار ".
وأردف أحمد فهمي: “بدأ حبي للموسيقى يزداد خلال سنوات الدراسة في المعهد وكنت بعزف على الكمان وكنت من الناس الشاطرة”