زيزو يحفز لاعبي منتخب مصر بعد الصعود في الأولمبياد
وجه أحمد السيد زيزو، لاعب منتخب مصر، رسالة قوية للاعبي المنتخب الأولمبي، بعد الفوز الفوز التاريخي اليوم على إسبانيا بهدفين مقابل هدف واحد، ضمن منافسات الجولة الأخيرة من دورة الألعاب الأولمبية باريس 2024.
ونجح إبراهيم عادل في قيادة منتخب مصر، بعدما سجل هدفين الفراعنة أمام المتادور الإسباني.
تصريحات زيزو
وجه زيزو يوجه كلمه للاعبين في غرف خلع الملابس بعد التأهل إلى ربع نهائي الأولمبياد، حيث قال: "من أول إجتماع أنا والنني قولنا احنا جينا هنا معاكم علشان مصدقين فيكم لانكم رجالة".
وتابع: "اللي احنا عملناها النهارده تاريخي بالمكسب والتأهل علشان انتوا لعيبه رجال، والأجيال اللي قبل كده اتأهلت لربع النهائي احنا لسه معملناش حاجه لازم ندوس على نفسنا في اللي جاي".
وأكمل: “لازم نصدق نفسنا وبعد اذنكم متريحوش ولازم ندي 200٪ الماتش الجاي وهنروح لبعيد، والله لو كسبنا الماتش الجاي نقدر نعمل حاجة أكثر من المركز الثالث”.