كبير تجّار السمك بالإسكندرية يكشف تأثير المقاطعة على التجار (فيديو)
قال فؤاد شعراوي، كبير تجّار السمك بالإسكندرية، إن أزمة ارتفاع أسعار السمك بدأت من بورسعيد بسبب بيع السمك البوري بسعر مرتفع جدا، والمقاطعة كانت على جميع أنواع السمك.
مقاطعة شراء السمك أثرت علينا بشدة
وأكد «فؤاد شعراوي» خلال مداخلة هاتفية ببرنامج «حضرة المواطن» المذاع على قناة «الحدث اليوم» مساء الثلاثاء: “مقاطعة شراء السمك أثرت علينا بشدة”، معقبا: "بعت بـ2000 جنيه بس.. وكنت ببيع بـ 15 ألف جنيه قبل المقاطعة».
وأوضح كبير تجّار السمك بالإسكندرية، أن سعر كيلو الجمبري الكبير من دمياط بـ 320 جنيهًا، وسعر البلطي من 60 لـ 80 جنيهًا، وكيلو البوري بـ 80 جنيهًا لـ 120 جنيهًا.
ودشن عدد كبير من المواطنين بمحافظة بورسعيد حملة على مواقع التواصل الاجتماعي لمقاطعة شراء السمك بكل أنواعه؛ وذلك بعد غلاء أسعاره بشكل مبالغ فيه دون مبرر.
وكتب أهالي بورسعيد عبر صفحاتهم الشخصية على مواقع التواصل الاجتماعي المختلفة، أن استمرار حملات المقاطعة تؤتي بثمارها وتجبر التجار على خفض الأسعار، مؤكدين أنهم دشنوا حملة مقاطعة الأسماك لحين انخفاض الأسعار.
وقال أحد المتابعين "مقاطعة.. يا ريت كل أهالينا يوم التلات اللى جى نعمل مقاطعة للسمك نهائيا وناكل أى حاجة، صدقونى السمك هيبقى ببلاش وهيرجع للـ 20 جنيها تانى و 30 جنيها، بورسعيد عملوا مقاطعة واصبح السعر هناك 20 و30 جنيها، انتوا عارفين لو مقاطعة لغاية بعد الظهر هتلاقى الكل بينادى على السمك ببلاش ما بالك بقى لو عملت مقاطعة يوم السوق هتلاقى كل البلاد اللى حواليك عملت زيك".
وأضاف آخر من محافظة بورسعيد "في أول يوم مقاطعة للأسماك ببورسعيد الشخرم من 120 جنيهًا وصل لـ30 جنيهًا والشبار الأبيض اللي كان بـ 100 جنيه وصل لـ 30 وأربعين جنيهًا والبوري اللي كان أقل كيلو بـ 120 جنيهًا كان بـ 60 جنيهًا والشبار الأخضر المبطرخ وصل 180 جنيهًا و200 جنيه النهاردة بيدللوا عليه بــ 80 جنيهًا بس اه والله زي ما بقلكم كده خلوه يجيف عند السماكة الجشعين والله وعملوها الرجالة".
شعب بورسعيد ذكي
وتابع آخر"شعب بورسعيد شعب ذكي ومنظم، النهاردة هزموا جشع التجار وقاطعوا السمك بحملة مقاطعة كبيرة جدا كل الناس شاركت فيها تقريبا، ونزلوا السعر فعلا، في أول يوم نزل سعر الشبار الأبيض من 100 لـ 40 جنيهًا والبوري من 120 لـ 60 جنيهًا، الشعب الواعي رزق وكلمته بتمشي لو فكر صح، يارب باقي المحافظات تتعلم، ولما نلاقي حاجة سعرها بيرفع وفيها استغلال نقلد البورسعيدية مش نجري عليها ونلم ونخزن!".