يوسف زيدان يكشف تفاصيل إقراض مصر لبريطانيا ورفضها رد الأموال (فيديو)
كشف المفكر والأديب الدكتور يوسف زيدان، تفاصيل إقراض مصر لبريطانيا ورفضها رد الأموال، في خمسينيات القرن الماضي.
وأضاف، خلال حواره مع برنامج “الشاهد”، الذي يعرض على قناة “إكسترا نيوز”، الخميس: "كنا سنة 1950على نفس النسق مع كبرى الدول في العالم، يعني القاهرة والإسكندرية في مستوى حضاري يماثل وربما يتفوق في بعض السياقات على لندن وباريس بحكم الحرب اللي كانت هناك”.
وساطة أمريكية من أجل إقراض مصر لبريطانيا:
تابع: "وزير الخارجية الأمريكي كان بيقعد مع الملك فاروق عشان يرجوه أنه يساعد أوروبا، ومصر كانت زعلانة عشان مدينة إنجلترا، والإنجليز مش عايزين يدفعوا وكانوا بيقولوا لأ ما إحنا دافعنا عنكوا في الحرب العالمية، تخيل أن دا اللي كان شغال البلد في ذلك الوقت فلوسنا اللي إحنا مسلفنها لبريطانيا ومش عايزة تدفع".
وأشار إلى أن فكرة تجييش الجمهور ضدد أي فكر جديد، هو المستوى الأخطر والأعمق، أكثر من فعل السلطة الدينية والسياسية.
وواصل: “أنا نفسي عانيت من ذلك الفكر، يا جماعة أنا بطرح الفكرة الفلانية دي عشان شايف أنها لازم ننبه ليها دلوقتي، ولكن الناس بتسيب الفكرة ويقولوا أصل هو عايز جائزة نوبل، اللي هي حاجة مجتش في بالي أصلاً، أنا خايف عليك فبقولك حاجة تفكر فيها بص لأ هو مش هيفكر، وبالتالي المستوى التالي هو فعل السلطة الدينية والسياسية، طريقة التفكير دي خسرتنا للأسف كتير”.