تامر حسني يوجه رسالة لـ تركي آل شيخ بسبب فيلم "بحبك"
وجه نجم الجيل الفنان تامر حسني، رسالة للمستشار تركي آل شيخ، رئيس الهيئة العامة للترفيه بالمملكة العربية السعودية، وذلك بعد تصريحاته عن إيرادات فيلم «بحبك» والذي تعرض لإنتفادات واسعة وتشكيك في مستوى إيراداته وقت عرضه بالسينمات.
وكتب تامر حسني، عبر حسابه الرسمي بموقع تبادل الصور والفيديوهات الشهير «انستجرام»: “خالص الشكر لمعالي المستشار تركي آل الشيخ.. نصرتني يا أبو ناصر.. بعيدًا طبعا عن أن الرقم ده بيروح لموزعين الخارج عشان محدش يفتكر أن المنتج أو الأبطال بياخدوا الرقم ده.. لأ ده رقم بيتوزع على موزعين الخارج في العالم كله.. والفنان له أجر ثابت ”.
وتابع تامر حسني: المهم الكثير كان بيشكك في إيراداتي وكتير انتقدوا الفيلم قبل ما ينزل.. لمجرد أنه تأليفي وإخراجي وموسيقتي التصويرية.. كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهة المختصة عن رقمه القياسي.. تيجي بقى من أبو ناصر نفسه أمام العالم كله.. ليثبت إنه كان كلامي صح وإني مش بقول غير الحق ولا مضطر أقول غير الحق.. وطبعا ده غير إيرادات الفيلم في مصر وباقي دول العالم.
وأوضح:" كل الشكر للجمهور الطيب الغالي في مصر والسعودية والوطن العربي كله والعالم.. شكرًا لكل أبطال العمل وصناعُه ومنتجينه اللي صدقوني ودايمًا في ضهري.. شكرا معالي المستشار تركي آل الشيخ.. نورت مصر بلدك الثانية.. بجد أنا دلوقتي أقدر أحتفل معاكم بنجاح أول فيلم من إخراجي الحمد لله ".
أغنية موضوع رجوعنا لتامر حسني
وكان تامر حسني، طرح آخيرًا أغنية موضوع رجوعنا، وهي من كلمات تامر حسين، ألحان مدين، توزيع وسام عبد المنعم، وتقول كلماتها:" بتلومني ليه على إني عيشت وشوفت بعدك
طب ما إنت برضو مشيت ومعملتش بوعدك
بقى حلو ليك وبقيت عليا محرّمه
هما اللي حبوا بعد فُرقه أجرموا
إحساسي كنت مموته وملجمه
وحرام تروحي من أحاسيس جه وقتها
ملناش حقوق على بعض مش خلصت بقى
ولا ليك تغير على حاجه يوم أهملتها
القلب صعب يلاقي روحه ولو لقى
يفضل متبت في الحياه ويحبها
مبقاش في بينا ذكرى حب نخلده
موضوع رجوعنا مستحيل إستبعده
ولا أخلي قلبي حد يوم يستعبده
ولا أخلي حد في يوم ينزل دمعتي
بقى ليك حياتك ليك حبيب يستعجلك
دلوقتي تلحق رد شوف بيرنلك
مش حقنا الوقفه دي إعمل حساب
عندي حبيب بحترمه حتى في الغياب
مبقاش في بينا ذكرى حب نخلده
موضوع رجوعنا مستحيل استبعده
ولا أخلي قلبي حد يوم يستعبده
ولا أخلي حد في يوم ينزل دمعتي".
آخر الإصدارات الغنائية للفنان تامر حسني
وكان تامر حسني، طرح آخيرًا أغنية بعنوان موحشتكيش، وحققت صدى واسعًا على موقع يوتيوب.
تفاصيل أغنية موحشتكيش
أغنية موحشتكيش من كلمات أمير طعيمة ،ألحان وتوزيع أحمد إبراهيم، ومن إخراج تامر حسني، وتقول كلماتها:" شكل المكان زي ما كان متغيرتش حاجات كتير شايف بعيني ذكريات من قلبي حبيتها بضمير أجمل سنين أنا عيشتها كانت هنا كل اللي ناقص في المكان إنتي وأنا وتفاصيل كتير مش ممكن أحسها من غيرك .. معقول أكون موحشتكيش !!؟ من يوم بعادنا مش بعيش رغم الفُراق مفارقتنيش بعدك خالص واقفه الحياه من بعد حضنك حضني مات .. وكلامي يشبه للسكات فاضلي منك ذكريات .. ذكريات .. آه واللي فاضلي مني آه بيلف صوتك في المكان لسه صورنا على الرفوف وكلام كتبته من زمان وضحكتك بين الحروف إسمك حبيبتي في كل لحظة أنا بنطقه إحساس بعادك كل يوم أنا برفضه ولا عمر قلبي في يوم هيحس بواحده تانيه غيرك .. معقول أكون موحشتكيش !!؟ من يوم بعادنا مش بعيش رغم الفُراق مفارقتنيش بعدك خالص واقفه الحياه من بعد حضنك حضني مات .. وكلامي يشبه للسكات فاضلي منك ذكريات .. ذكريات .. آه واللي فاضلي مني آه ".