محمد موسى لنقابة الموسيقيين: هل محمد رمضان فوق القانون أم تخافون منه؟ (فيديو)

 شن الإعلامي محمد موسى هجومًا حادًا على الفنان  محمد رمضان، بسبب تعمده الغناء من دون فرقة موسيقية، في  مخالفة لقرارات نقابة المهن الموسيقية .

 وأشاد  محمد موسى، خلال تقديم برنامج "خط أحمر" على قناة الحدث اليوم، مساء اليوم بقرارات نقابة الموسيقيين بقيادة الفنان مصطفى كامل لإعادة تنظيم مهنة الغناء والموسيقى في مصر، معقبًا: "لكن لما أشوف واحد زي محمد رمضان ولا معاه تصريح غنا ولا بيعرف أساساً يغني طالع مرة عريان والتانية بيغني بالفلاشة ضارباً بقرارات نقابة الموسيقيين عرض الحائط، فلازم أسأل سؤالًا مهمًا وبيطرح نفسه، هو الراجل ده فوق القانون ولا هتقولولي إنه مش عضو عندنا وعضو في نقابة الممثلين". 

 تابع: “هناك  قرار تم اتخاذه من نقابة الموسيقيين في ولاية الفنان هاني شاكر، بشأن محمد رمضان، وآخر معلومة لدينا أنكم طلبتم من نقابة الممثلين التحقيق في الأمر”، معقبًا: "الموضوع من ساعتها مات وشبع موت.. ليه؟ أنا عايز أعرف ليه؟ من حقي أعرف طيب دلوقتي هتقولولي نفس المبرر، ولا هيكون في قرار بخصوصه زي قرار وقف حفلة الماسوني ترافيس سكوت عشان كل الوسط الفني وغير الفني يعرف أن الكل أمام مجلس إدارة الموسيقيين متساويين، منتظر رد من السيد نقيب الموسيقيين، لأن دي اسمها محاصصة، أو أن الناس تفهم أنكم خايفين من محمد رمضان".