أبرز تصريحات إيمان العاصي وابنتها المتصدرة التريند
الفنانة إيمان العاصي، تصدرت تريندات محرك البحث العالمي “جوجل”، وذلك بعد حلولها ضيفة على برنامج "معكم منى الشاذلي" مساء امس، الخميس على قناة CBC.
وتستعرض "بوابة الوفد" لمتابعيها أبرز تصريحات الفنانة إيمان العاصي خلال الحلقة :-
- اتعرض عليا فلوس عشان أكشف عن مشهد النهاية، ويعرفوا مين اللى عمل كدة فى سيف.
- كنت بقرأ الحلقة 30 فى البيت ع السرير ونمت، بنتي صورت السيناريو وعايزة تبعته لصاحباتها.
- تزوجت لمدة شهرين فقط لكنها لم توفق فى الزواج، بعدها أنجبت ابنتها ريتاج.
- كانت واحدة صحبتي تعمل كموديل إعلانات ورايحة تتصور، وأنا كنت سايبة خطيبي ومكتئبة فقلت لها أنا عايزة أتصور.
- كنت عارفة إني هرجع لخطيبي، وروحت اتصورت عشان أضايقه، خصوصًا إن ماكنش متعارف عليه إن حد في المحيط بتاعي يعمل فوتوسيشن.
- صديقتي كلمتني وقالت لي المصور عايز يحط الصورة كغلاف لمجلة، فقلت لها خليه يحطها، من باب إني بغيظ خطيبي، وبعدين لاقيت المخرج خالد بهجت بيكلمني.
- اللي نزل الصورة كتب إني بحب التمثيل واشتغلت موديل، فالمخرج خالد بهجت طلبني في مسلسل من بطولة رغدة، فوافقت ومضيت العقد.
تصريحات ريتاج ابنة الفنانة إيمان العاصي
- رفضت زواج أمى، ولا أوافق على ارتباطها.
- ماما قماصة وبجاملها فى الأكل لو عملت أكل مش حلو، وعندها أكونت على إنستجرام ماحدش يعرفه.
- أمى فيها من شخصية دلال ومكنتش قايلة لى تفاصيل حل لغز المسلسل، ولما شفتها اتخضيت، وكان عندي شك إنها هي اللى عملت كده فى سيف.
- أكتر مشهد عجبنى مشهد قتل بلال شامة.
تفاصيل مسلسل جعفر العمدة
مسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، احسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر.
وتدور الأحداث فى إطار اجتماعى شعبى، حول جعفر العمدة (محمد رمضان) وهو في العقد الرابع من عمره، متزوج بـ3 سيدات، ويمتلك شركات للمقاولات ويدخل فى العديد من الصراعات سواء فى عمله أو بعيدا عن العمل، ثم يقابل خلال مشواره "عايدة" (زينة) ويتعرف عليها وتنشأ بينهما قصة مليئة بالمفاجآت، كما يعيش جعفر مأساة تستمر عدة سنوات بعد فقدان ابنه واختطافه من قِبل مجهولين.