الرئيس السيسى بطل ومحارب قوى وشريف وأمين وصادق وصاحب ضمير فى زمن عز فيه الشرف والأمانة والصدق والضمير وربنا عز وجل هو اللى بعته لمصر وهو اللى بيدبر له الأمور. ولتعلموا انه لن يحكم احد فى ملك الله الا بأمر الله.
أول رئيس يسابق الزمن وينحت فى الصخر ولم يترك كبيرة ولاصغيرة الا وتصدى لها وأصلحها أول رئيس يعمل ليل نهار من أجل تكوير واصلاح وبناء وطنة ويقولون له كفاية مشاريع.
-قطعوا عنه البترول وربنا اراد يكون عندنا اكبر حقل غاز وأربع حقول غاز أخرى. قطعوا عنه السياحة وتحويلات المصريين زاد الاحتياطى من 15 إلى 44 مليار دولار.
حاربته ألمانيا فى البداية وبعدها اعطته أحدث محطات كهرباء بـ9 مليارات يورو أكبر 3 محطات كهرباء بالعالم، قالوا له شعب مصر فقير! فاصطف الشعب أمام البنوك وأعطوه 64 مليارا فى 7 أيام حاربته معظم دول العالم وبعدين انتخبوه عضوا بمجلس الأمن.
قالوا مصر غير آمنة!! فسلموه مسئولية لجنة مكافحة الإرهاب فى العالم، مصر كانت الكهرباء بتقطع فيها بالساعات!! دلوقتى عندها فائض 11 ألف ميجا وات و هتبتدى تصدر كهرباء للعالم، مصر بعد ما كانت اكبر دولة فى العالم مريضه بفيروس c!! دلوقتى احنا بنعالج العالم كله من الفيروس وعالجنا مليون ونص مصرى منه.
مصر بتزرع مليون ونص فدان ولسة باقى المشروع 5 ملايين فدان،علشان يغطى احتياجات البلد وهنصدر كمان، مصر البلد الوحيد المستقر فى المنطقة كلها بنمتلك أقوى جيش فى المنطقة والـ10 على مستوى العالم. وتحديث وتطوير لمنظومة وتنوع الأسلحة من مختلف الدول.
مصر بتعمل 4 مفاعلات نووية، مصر اتعمل فيها 4 انفاق تحت قناة السويس علشان تربط سيناء بباقى مدن مصر، مصر بتعمل مدينة متكاملة فى صناعة الاثاث علشان نغزو بيها الأسواق العالمية، مصر بتعمل مدينة متكاملة فى صناعة الجلود علشان تغزوا بيها الأسواق العالمية.
بنحارب الفساد وكل يوم لازم على الأقل فاسد يقع، استثمارات بترولية كتيرة للبحث والتنقيب عن ثرواتنا، وكلها سنتين وهنصدر غاز طبيعى.
مزارع سمكية وصوبات زراعية هى الأكبر فى العالم بأحدث تكنولوجيا، بنحارب الإرهاب فى سينا بضربات استباقية للقضاء على الارهابيين، وبنحارب داعش فى ليبيا، مصر بتبنى دولة جديدة العاصمة الادارية الجديدة ودى قد مساحة سنغافورة، مصر دخلت مجلس الأمن الدولى فى أول مرة فى تاريخها.
مصر أصبحت أول اقتصاد فى قارة افريقيا لأول مرة فى تاريخها، مصر دخلت شريكا مباشرا بنسبة 15% فى الحقول البترولية العراقية، الذهب بمدينة مرسى علم على مساحة مليون متر.
مصر بيتعمل فيها مدن صناعية متكاملة، مصر بيتعمل فيها مصانع عربيات وتليفونات وصيانة طائرات وصيانة سفن مصر بيتعمل فيها أكبر رصيف بحرى فى العالم للخدمات اللوجيستية فى محور القناة.
مصر بتعملك هيئة الدواء المصرية الجديدة وهى كلها ملك للدولة هى المسئولة فقط عن شراء جميع الأدوية وتصنيع الأدوية داخل مصر دون الرجوع إلى أباطرة شركات الأدوية اللى بيكسبوا ملايين على حساب الشعب المصرى العظيم وينزلوا أدوية منتهية الصلاحية وغيرها للسوق.
خلاص كدة مفيش لعب فى أسعار الدواء مرة تانية خالص، الدولة هى اللى حتشترى وتسعر الدواء للمواطن، يعنى مفيش مشكلة حتحصل تانى زى نقص انسولين أو ادوية أو اللبان أطفال فى السوق وتجار المرض مخزنين الدواء. تحيا مصر وجيشها ورئيسها وشعبها الأصيل.
تابعوا آخر أخبار بوابة الوفد الإلكترونية عبر نبض