أحدث ظهور لفيروز بعد تداول أنباء عن سوء صحتها| سبب خلاف ابنتها ريما الرحباني وإليسا (صور)

شاركت المخرجة ريما الرحباني ابنة الفنانة اللبنانية فيروز صورة لأحدث ظهور لوالدتها اليوم السبت عبر صفحتها الرسمية على موقع التواصل الإجتماعي فيسبوك.

(أقرأ أيضًا) ابنة فيروز توضح حقيقة إقامة والدتها حفلاً غنائيًا بالقاهرة

والتقطت الرحباني الصورة بواسطة هاتفها بتاريخ 22 مايو، وظهرت البالغة من العمر 87 عاما في الصورة وهي تنظر إلى الزهور وكتبت ابنتها: "شي زهرا حمرا وبس"، وبدت فيروز في الصورة بصحة جيدة، على الرغم من الأنباء المنتشرة عن سوء حالتها الصحية.

جدير بالذكر أن آخر ظهور للفنانة فيروز كان في شهر يونيو العام الماضي ذلك بصحبة ابنتها، ريما الرحباني وذلك بعد  زيارة الرئيس الفرنسي، إيمانويل ماكرون لها في سبتمبر2020، ضمن زيارته الرسمية إلى لبنان.

خلاف ريما الرحباني و اليسا

أثار حفل ليلة أمل الذي قدمه ابن عمها المنتج ​أسامة رحباني​ والفنانة ​هبة طوجي​ والعازف العالمي ​إبراهيم معلوف​، مع إطلالة ومشاركة من الفنانة ​إليسا غضب ريما الرحباني بسبب استخدام أغانب والدتها فيروز وتشويهها كما قالت بأصوات مطربين آخرين .

وكتبت على صفحتها الخاصة على موقع التواصل الاجتماعي فيس بوك: "يعني بيكون الواحد عايش بأمان الله ومرتاح وناسي الله اللي خلقن بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي اسمو متل الحلم أو متل الكابوس هيك شي!".

وأضافت: "فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول! اللي رح قولو ما رح يكون طويل لأن مانو محرز أعطيه أكتر من كلمتين نضاف من وقتي ومن حجمو! ويمكن تتفاجأوا باللي رح قولو!".

وتابعت: "الحق مش ع إليسا! وإليسا باللي صار ضحيّة مش مجرمة؛ المجرم الأوّل والأخير هوّي الطبل اللي داير إليسا والتوابع؛ ومعتقد حالو بيحقلّو يتصرّف ويأذن للفنانين يغنوا أغاني فيروز ومعتقد بيحقلّو يشوّه ويبهدل هالإرث براحتو بيدون حسيب ولا رقيب!”.

وأكدت: "وهالشي كلو فقط لأن عبقري متل زياد أعاد بعض الأغاني! فأعتقد الطبل إنو هو كمان عبقري ووريث وبدّو يعيد ووو نفس الأغاني! كما وإني كنت أكيدة إنو استقواء إليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!".

وقالت: "بس معليش.. إلا ما يصير في دولة وحبوسة فهيدا الموضوع ما رح

المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلتو مينيموم يعلّم الفنان أصول اللفظ واللحن والأداء والكلاااااااااااام والكلام!.. مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين! واللي بدّو يعمل تحيّة ولو كذّابيّة لعمّو أقلّه يحترملو ألحانو ويحترم ورثتو.. خاصة إذا كان عارف ومأكّد إنّو الورثة ما بيريدوا هالأغاني بالذات تنعاد (ورثة إلياس) وإذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة!".

واختتمت: "عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ ومصدّق حالو ونازل فيهن بهدلة إنّو هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً.. كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت.. كل شاردة وواردة بدّو يكون راضي عنّا.. وما بيعجبو العجب! والله العظيم تحط نفسك في مواقف بايخااااا.. ف هاي ما كانت تحيّة هاي كانت إهانة لأعمال عاصي ومنصور وإلياس وبس بزيادة هلّق!.. أخيراً أخيراً أخيراً في عاصي الرحباني واحد ما في غيرو ولبعد ألف سنة ما بيجي غيرو!.. عرفت كيف؟ إءْ شد طلوع شد طلوع اوعى ما تزمّر ع الكوع".

رد اليسا على هجوم ابنة فيروز

من ناحيتها علقت إليسا بطريقة غير مباشرة، وكتبت على صفحتها الخاصة على موقع التواصل الاجتماعي: "موتوا بغيظكم!! والشاطر يفهم!!!".