(فيديو مُسرب) خيرت الشاطر يكشف أسرار مخطط تفجيرات حازم أبو إسماعيل وجماعته
![خيرت الشاطر](/themes/alwafd/assets/images/no.jpg)
شهدت الحلقة العاشرة من مسلسل "الاختيار 3 – القرار" والتي كانت بعنوان "الاستفتاء على الدستور"، الكشف عن فضيحة جديدة من فضائح جماعة الإخوان خلال فترة حكمهم لمصر، وهو تسريب خطير للقيادي ونائب مرشد جماعة الإخوان المسلمين خيرت الشاطر، والذي كان يتحدث فيه عن السلفي حازم صلاح أبو إسماعيل ومخطط تفجيراته مع جماعته.
اقرأ أيضا..
فضايح خيرت الشاطر عرض مستمر| ما لا تعرفه عن أخطر شحنة سلاح في عهد الإخوان (تفاصيل)
تفاصيل تسريب خيرت الشاطر بعد عرضه في مسلسل الاختيار 3 الحلقة 10
وقسم خيرت الشاطر المجموعات السلفية الداعمة لحازم صلاح أبو إسماعيل إلى مجموعات غير فاعلة ومجموعات أخرى خطيرة، بالإضافة إلى اتصالاتهم بتنظيم القاعدة، حيث قال: "المجموعات الرئيسية اللي كانت بتدعم حازم، هو فيه مئات الألوف على مستوى الجمهورية فى المحافظات، يعني فى مطروح فى كفر الشيخ فى دمياط، السلفية الشعبية بتتبناه وجزء من سلفيين القنوات الفضائية"، متابعاً: "دول مش منظمين ومش جسم يقدر يجمع ويعمل شغل كبير".
وأضاف الشاطر : "إنما في مجموعات الخطر، مجموعة عبد المجيد الشاذلي بتاعة التوقف والتبين، أو مجموعات القطبيين، أو السلفية الجهادية دول خطر حقيقي حتى لو قليلين في العدد، لإن دول بشكل أو بآخر متبنين فكرة العنف، وعندهم نظرية تقول نقفز على الحكم والسلطة، ودا تعديل في استراتيجيتهم السابقة".
فضيحة جديدة لخيرت الشاطر في مسلسل الاختيار 3 الحلقة 10
وأردف : "يعني هو يبقي جزء من الإصلاح من فوق من وجهة نظرهم بشكل أو بآخر، وعبد المجيد وجه نداء الشهر اللي فات لبعض مجموعات القاعدة والناس بتاعة العنف اللي برا إنهم ينزلوا مصر، والمعلومات اللي عندنا إن نزل شوية مش كتير، 30 أو 40 شخص، ويمكن يبقى في تفكير في أحداث عمليات تفجيرات حتى لو محدودة، أو أعمال عنف محدودة".
وتابع خيرت الشاطر: "فلو دا توافق مع سكون عند الإخوان كمان تبقي كارثة يعني يبقي الجو نفسه كله مهيأ لأن أنا لو نزلت بمليونية، وجه عندي صوت طب اطلع بقا على المحكه الدستوريه أو اللجنة العليا للانتخابات، أو انزل على مجلس الدفاع نفسه أو وزارة الدفاع شوف هما بيعملو كدا ازاي، والثورة ودا انتاج للنظام القديم".
وانتهي تسريب خيرت الشاطر بقوله: "أنا قلقان من إن الفترة الجاية تلجأ للعنف حتي لو علي نطاق صغير يعني، مش لازم يقلب الدنيا ولا خطر بس هنرجع لأجواء 92 وأجواء تانيه كان 5- 6 فى حته بيعملولنا فرقعه في المتحف والا في حاجه بتعملنا إزعاج".
مواعيد عرض مسلسل الاختيار 3
ويعرض مسلسل "الاختيار3" عبر قناة ON في تمام الساعة 9:50 مساء، والإعادة 4:20 صباحا، و3:25 عصرا.
مسلسل الاختيار 3
مسلسل "الاختيار 3 - القرار" بطولة (أحمد السقا وكريم عبد العزيز وأحمد عز وأمير المصري، محمود البزاوي، سمر مرسي، مجدي فكري، شريف حافظ، بيومي فؤاد، صبري فواز، إيمان العاصي، آدم الشرقاوي، دنيا المصري)، بالإضافة إلى عدد من ضيوف الشرف، وهو من تأليف هاني سرحان وإخراج بيتر ميمي.
لمزيد من أخبار الفن على بوابة الوفد اضغط هنــــــــــــــــــــــــــا
- مسلسل الاختيار 3 الحلقة 10
- الحلقة العاشرة من مسلسل الاختيار 3
- مخطط تفجيرات حازم صلاح أبو إسماعيل وجماعته
- مخطط تفجيرات
- تسريب جديد لخيرت الشاطر
- غضايح الاخوان
- من هو خيرت الشاطر
- من هو السلفي حازم صلاح أبو إسماعيل
- مسلسلات رمضان 2022
- اخبار خيرت الشاطر
- سجل جرائم خيرت الشاطر
- فضايح خيرت الشاطر
- اخبار السلفي حازم صلاح أبو إسماعيل
- اخر اخبار السلفي حازم صلاح أبو إسماعيل
- سجل جرائم السلفي حازم صلاح أبو إسماعيل
- اخبار مسلسلات رمضان 2022
- دراما رمضان 2022