فيديو.. شقيق ضحية منطقة السلام يكشف كواليس الواقعة المأساوية
روى يوسف شقيق ضحية منطقة السلام، تفاصيل مقتل شقيقته، موضحا أنها كانت تعمل في عيادة نساء وتوليد، وليست طبيبة، ومتزوجة لديها 3 أطفال، لكنهم لا يعيشون معها.
وقال "يوسف"، خلال مداخلة هاتفية ببرنامج "الحكاية"، المُذاع عبر فضائية إم بي سي مصر"،: "بداية الموضوع شخص قريب لي اتصل بيا الفجر قالي لي تعاله أنا ممسوك في قسم السلام، روحت أول لما وصلت قالي بص الحقيقة مش كدا جالنا بلاغ أن اختك توفت".
وأضاف: "بعد كدا بدأت أسأل الناس في القسم علشان أعرف اللي حصل، كل واحد بيقول حاجه شكل.. لحد ما ضابط ابن حلال قال لي التفاصيل، قالي في شخص كان طالع يغير الأنبوبة الساعة 11 مساء، وفي الوقت دا المنطقة مفيش فيها غاز، والناس اللي بتعدي بالأنابيب مش كتير".
وأوضح: "الباب متكسرش الباب كان مفتوح وهو بيغير الأنبوبة وكان يدوب لسه طالع وهما دخلوا كانوا 6 أفراد اقتحموا الشقة،
وتابع: "كان فيه مشاكل مع صاحب الشقة، وأختي كانت عايزه تسيب الشقة علشان كان بيماطل في كل حاجه، وقالت له أنا همشي، وبدأت تكلم كذا سمسمار، والظاهر أنهم عملوا كدا علشان يأخذوا منها الشقة"، موضحا: "أختي ست وزنها زائد، ومتقدرش تقفز من سور البكونة لأنه عالي وهي متقدرش ترفع جسمها.. وأنا مستبعد فكرة أنها قفزت من الدور السادس، لأن وزنها زائد".