حلمي طولان ينتقد التحكيم ويؤكد : هدف الأهلي تسلل

علق حلمي طولان مدرب فريق انبي على خسارة فريقه أمام الاهلي في المباراة التي جمعت بينها ضمن منافسات الدوري المصري الممتاز.

وقال حلمي طولان في تصريحات عقب المباراة " بشكر لاعبي إنبي  قدموا مباراة كبيرة أمام الأهلي ولكن ما حدث غير طبيعي فهدف الأهلي من تسلل مليون % وهناك مشجعين للأهلي أكدوا على ذلك ".

وأضاف " انا بقول مبروك للاهلي وبهني لاعبتي على الاداء في طرد وتسلل وانا معرفش ايه اللي حصل مع اللاعيب اللي حصل على طرد معرفش سبب الطرد ايه الحقيقة ".

وواصل تصريحاته " انا بلعب على حسب الفريق اللي قدامي وكان لازم يكون عندي زيادة عددية في منطقة الدفاع، وكان فيه تصميم اننا نخسر معرفش من مين بالظبط  ".

وأردف " مش عايز اجيب سيرة الحكم ولا حد وسواء الاهلي او الزمالك ييعرفوا يلموا

وأكمل " الضغط المستمر على لاعبتي ف اخر الماتش افقدت اللاعيبة تركيزها، اي لاعب هيحس بالظلم هيفقد تركيزه واحنا نعرف كويس اوي معني الشرف والامانة ناس كتير متعرفهاش انا بلعب بشرف وامانة في ناس تافهة معندهاش شرف ولا امانة انا بقدم مهمتي مع النادي اللي انا فيه ".

وأتم تصريحاته " انا كنت في حرس الحدود وكان نادي الجيش هينزل والترسانة كسبت الجيش في ارضه وكسبت الترسانة لان عندي امانه وشرف وربنا كرمني علي امانتي مع فرقي ".