أحمد موسى عن انتقاد كامل الوزير: "بلاد أخرى لا يقدر فيها أحد مهاجمة خفير"
كشف الإعلامي أحمد موسى تفاصيل جديدة بشأن تداعيات حادث تصادم قطاري العياط، مشيرا إلى أن جهاز التحكم الآلي «ATC» كان من العوامل الرئيسية المرتبطة بالحادث، بحسب تصريحاته، موضحا أن سائق القطار 134 أغلق الجهاز وتجاوز السرعة المحددة.
وقال الإعلامي أحمد موسى خلال تقديم برنامج «على مسئوليتي» المذاع على قناة «صدى البلد»: «السواق الله يرحمه عمل كارثة كبيرة علشان قفل جهاز التحكم الآلي في القطار، بكرة وزير النقل رايح لجنة النقل في مجلس النواب، ومن حق النواب يسألوا ويعرفوا إيه اللي حصل، الحادث ده كله بسبب خطأ عنصر بشري، في ناس عاوزة كل مسؤول بيشتغل يضرب، أصبح المسؤول مادة للإعلام المعادي، والله في إعلام في دول ما يقدر يتكلم عن المسؤولين فيها ولا غفير ولا حادث».
واستطرد: «اللي بنشوفه كأن مصر مستباحة، عاوزين يهزوا الثقة، وفيه ناس عاوزة تضعف الثقة، والله الرئيس شغال وفي مشروعات كتير عاوزين نخلصها، الوزير كامل الوزير شغال بأقصى طاقته وينفذ تكليفات الرئيس السيسي، لما عمل فكرة وتوسيع الدائري على النيل الناس اتكلمت وقالت كذا وكذا».
وأردف: «جرار بتاع القطار بتاع الضواحي ليه 50 سنة والمفروض يتغير، وروحنا الورشة بتاعت أبو رواش والوزير قال الحاجات دي بدل ما تتكهن وتترمي تجدد ويتعمل صيانة ليها، بدل المليارات اللي تترمي، قطار الضواحي درجة تالتة، إحنا كنا بنستورد الفلنكات، ودلوقتي بنعمل مصنع وبنصنعها في البلد».
وشدد أحمد موسى: «إحنا كنا بنستورد كل حاجة، إحنا النهارده بنصنع، وأقسم بالله العظيم عاوزين يخربوا البلد، أي حد ناجح في البلد عاوزين يدمروه، وأقسم بالله عاوزين يدمروا الوطن، في ناس بتهد والله».
اقرأ المزيد..
تابعوا آخر أخبار بوابة الوفد الإلكترونية عبر نبض