مديحة حمدي: الشيخ الشعراوي قال لي الفن زي الكوب ممكن نحط فيها ميَّة أو خمرة
كشفت الفنانة مديحة حمدي تفاصيل لقائها بالشيخ محمد متولي الشعراوي، موضحة أنها كانت قد أعدت عدداً من الأسئلة المتعلقة بالحجاب والنمص والحواجب والكحل، إلا أنها وجدت نفسها تسأله عن الفن وكيفية تحقيق التوازن بين الدين والدنيا.
وقالت مديحة حمدي خلال مقابلة تليفزيونية مع الإعلامية نهال طايل في برنامج «تفاصيل» المذاع على قناة «صدى البلد2»: «كنت مع ياسمين ابنة الشيخ الحصري وسهلت ليا الموضوع وقابلته، وكنت محضرة أسئلة عن الحجاب في بداية لبسي ليه وعن الحواجب والكحل أول ما دخلت لقيت نفسي بسأله عن الفن».
وأضافت مديحة حمدي: «قلت له أنا بشتغل وبحب شغلي ومش عارفة أعمل إيه؟ فقال لي: بصي يا بنتي السكينة ممكن نقتل بها فتبقى حرام، وممكن ناكل بها لحمة فتبقى حلال. الكوب ممكن يمتلئ ماء يبقى حلال، ممكن والعياذ بالله يمتلئ حاجة تانية فيبقى حرام زي الخمرة، فالحلال حلال والحرام حرام، فأنتي انتبهي للحلال».
وأوضحت مديحة حمدي: «مقعدتش معاه كتير لأنه كان قاعد على الأرض ولابس جهاز التنفس فمكنش لازم نتعبه».
تابعوا آخر أخبار بوابة الوفد الإلكترونية عبر نبض