تصرف صادم من أحمد العوضي بعد اعتذاره لياسمين عبدالعزيز وغضب الجمهور (ما القصة؟)
بشكل مفاجئ، حذف الفنان أحمد العوضي آخر فيديو نشره منذ دقائق لتوضيح سوء الفهم الناتج عن تصريحاته الأخيرة بشأن تشبيه السيدات بالسيارات، ما أثار دهشة وحيرة الكثيرين، متسائلين: “هل تراجع العوضي عن اعتذاره للنجمة ياسمين عبد العزيز بعد الهجوم عليه وغضب الجمهور منه؟”
أحمد العوضي ينفي تشبيهه النساء بالسيارات: أنا مش بالسذاجة اللى تخلينى أشبه التشبيه الدنىء ده لأن أنا فى الآخر عندى خالة وعمة وبنت خالة وبنت عمة
وقد نشر أحمد العوضى فيديو جديد عبر حسابه الشخصي بموقع التواصل الإجتماعي الأشهر “فيسبوك”، ليوضح خلاله حقيقة تصريحاته التى أثارت جدلًا واسعًا خلال الساعات الماضية بشأن تشبيه النساء بالسيارات أثناء حلوله ضيفًا على بودكاست "قصتى”، قبل أن يقوم بحذفه لاحقًا.
أكد العوضي أن تصريحاته جرى تداولها بشكل مجتزأ، موضحًا أنه كان يتحدث عن ذكريات ومراحل مختلفة من حياته و، وأن ذكر السيارات جاء فى إطار الحديث عن تلك المراحل، وليس بقصد تشبيه السيدات بها أو الإساءة إلى أى شخص، وإذا كان يقصد الإساءة بالفعل فلم يذكر سيرة والده على الإطلاق، حيث قال: “شوفت إمبارح اللى حصل وقلت معملش الفيديو ده إلا بعد ما أكتب البوست الأول، طبعا أنا شوفت إمبارح الناس اتكلمت وقالت العوضى قال وعاد وزاد وشبه إيه بإيه، والكلام ده عارى تماما من الصحة”.
وتابع: “وأنا لما كتبت بوست الاعتذار لقيت إن الكلام ممكن يروح فى حته تانية أو يمس أشخاص أنا بحترمهم فنزلت اعتذار عن لو الكلام اتفهم غلط لكن أنا أصلا مقولتش حاجة”، مردفًا: “الحلقة ساعة و38 دقيقة قولت فيها كلام كتير جدا وحريص جدا فى كل كلمة بقولها وعارف أنا بقول إيه عشان محدش يقولى لا انت عارف وانت قاصد ويدخلوا فى نيتى وكله مش حقيقى”.
واستكمل: “الموضوع إن الراجل كان بيسألنى فى إن الذكريات الجديدة ممكن تنسيك الذكريات القديمة وأنا قولتله إن كل مرحلة ليها ذكرياتها الخاصة، بقول كل مرحلة ودى بتشمل السكن أو حد فى حياتك والسيارة اللى جبتها من الشغل أنا وسعت المعنى وضربت مثال بالعربية واتكلمت بشكل تلقائى ولو قاصد أى معنى سوء مش هجيب سيرة أبويا وعربية أبويا وذكرياتى معاها أنا مش بالغباء ده”.
واختتم العوضي حديثه قائلًا: “الموضوع اللى نزل على السوشيال ميديا نزل مجتزأ وإنى جبت مرسيدس وبتاع وأنا مش بالسذاجة اللى تخلينى أشبه السيدات بالعربية أو التشبيه الدنىء ده لأن أنا فى الآخر عندى خالة وعمة وبنت خالة وبنت عمة فأكيد أنا مش هغلط الغلط ده، لكن اللى عايز يتصيد هيتصيد”.
سقوط أحمد العوضي
يواجه النجم أحمد العوضي حملة هجوم عنيفة بعد تصريحاته الأخيرة عن زيجاته وتشبيه العلاقة الزوجية والسيدات بأنواع السيارات، فعلى الرغم من اعتذراه بشكل علني للفنانة ياسمين عبد العزيز إلا أن عدد كبير من جمهورها ومحبيها وأصدقائها من الوسط الفني إلى جانب مشاهير الإعلام شنوا عليه هجومًا عنيفًا ولم يقبلوا اعتذاره.
ومن المتوقع أن تؤثر حملات الهجوم والغضب من العوضي على شعبيته وقاعدته الجماهيرية، فعل زلة لسانه قد تكون سبب في سقوط نجوميته إلى الأبد؟
تابعوا آخر أخبار بوابة الوفد الإلكترونية عبر نبض