بتحارب بقالي ١١ سنة.. تسجيل صوتي لزوجة حسام حسن يكشف تفاصيل صادمة وراء طلبها الطلاق
كسرت دان آدم زوجة حسام حسن صمتها لأول مرة بعد طلبها الطلاق ، لتوضح الأسباب التي دفعتها لذلك وترد على كم الإتهامات الموجهة إليها، وذلك من خلال تسجيل صوتي نشرته عبر حسابها الشخصي بموقع تبادل الصور والفيديوهات “انستجرام”.
زوجة حسام حسن: ايه الفضايح في إني ست بتطلب الطلاق؟!
قالت زوجة حسام حسن: “كل الأزمات اللي عدت عليا الفترة اللي فاتت كنت بواجه لوحدي ليه وليا، ايه الفضايح ياجماعة اللي بعملها أنا ست بتطلب الطلاق فين الفضايح في كده الستات في مصر مبيطلقوش يعني؟! ... كل شوية حد ينزل مصدر مقرب من دان مصدر صرح عن طريق دان كل ده محصلش ولما حبيت انزل حاجة نزلتها على ستوري عندي”.
لسماع التسجيل الصوتي اضغط هنـا
وتابعت: “أنا قلت إني هطلق بالمعروف اتصلت بالمأذون وجبته وقلت إني هعمل “إبراء” في فندق شهير بالإسكندرية ، مش عايزة أقول أسباب مش مهم مين اللي وقف الطلاق محصلش الطلاق وبعد كده جبت المأذون مرة تانية عشان أطلق لأني مش قادرة اعدي الموقف الأخير بتاع بورتو لأن الإعتداء كان جامد جدًا عليا وعلى أولادي وأنا شفت ولادي بيحصلهم ايه”.
زوجة حسام حسن: قررت الطلاق لما شفت مستقبل ولادي قدام عيني لما أموت
واستكملت: “شفت المستقبل قدام عيني لو أنا حصلي حاجة ولادي هيتبهدلوا من بعدي فقررت إني أبعد ولادي ، لا قصة زوجة أولى ولا زوجه تانية هيطلقها هيسيبها أنا بتكلم في عدم وجودي أنا أنا هروح ولادي هيحصلهم ايه، فبكل بساطة خذت قرار البعد عشان ولادي يبقوا بعيد عن كل الحروب دي لأنها مش بتقف وبالفعل بتحارب بقالي 11 سنة في السر، محاضر وقضايا وسجون وطول عمري كنت رد فعل وعمري ما عملت محضر لحسام، ولا عمري خدت موقف ضده وفي عز الأزمات كنت بطلع مش بقول حاجة مقلتش تفاصيل القصة مع إن تفاصيلها قبيحة”.
زوجة حسام حسن تطلب الطلاق
وقد تصدرت حسام حسن وزوجته أزمة دان آدم ترندات مواقع التواصل الإجتماعي خلال الأيام الماضية، بعد تصاعد الخلافات بينهما ووصولها للقضاء، حيث رفعت دان دعوى طلاق للضرر مشيرة إلى أنها ستأخذ حريتها بالمحكمة، وذلك من خلال منشور عبر حسابها الشخصي بموقع التواصل الإجتماعي الأشهر “فيسبوك”
تابعوا آخر أخبار بوابة الوفد الإلكترونية عبر نبض