عمرو الليثي يستعيد ذكريات والده: "لو في إنسان عايز أقوله وحشتني فهيكون أبويا"
استعاد الإعلامي الدكتور عمرو الليثي ذكرياته مع والده الراحل، خلال إحدى حلقات برنامجه «إنسان تاني»، كاشفًا عن تفاصيل وذكريات خاصة لا تزال حاضرة في ذهنه، مؤكدًا أن والده هو أكثر شخص يفتقده.
وقال عمرو الليثي، عبر حساباته الرسمية على مواقع التواصل الاجتماعي: «لو في أي إنسان عايز أقوله وحشتني، فهيكون أبويا.. هو دائم في عقلي وقلبي، ولما أتذكره بلاقي نفسي بحن لتفاصيل محدش يعرفها غيري، وذكريات أقدر أسميها حياة».
وأضاف: «أنا دائمًا مشتاق لوالدي، لصوته وهو بينادي عليّ، ولنظرة عينه وهو بيشوفني أو بيتكلم معايا، أو لما كنت أرجع متأخر ويكون قلقان عليّ لحد ما يطمن.. كانت نظرة فيها قدر كبير من المحبة، مش الغضب».
وتابع الليثي مستعيدًا تفاصيل من طفولته مع والده: «لسه فاكر الكرسي اللي كان بيقعد عليه، والكوباية الإزاز اللي كان بيشرب فيها الشاي، ونظارة الشمس بتاعته اللي كان أحيانًا يحطها فوق رأسه، وحركة إيده وهو بيلبسها».
واستطرد: «ولسه فاكر صوت المفتاح في الباب وإحنا مستنيينه، والشنطة اللي كانت معاه وفيها حاجات حلوة بنفرح بيها.. كنا وقتها بنحس إنه جاب الدنيا كلها لينا».
كما استعاد الليثي جانبًا من أجواء المنزل في طفولته، قائلًا: «أمي ربنا يمتعها بالصحة كانت تقول لنا: "وطوا صوت التليفزيون أبوكم نايم".. صوتها كان هو النظام في البيت والانضباط».
ويأتي برنامج «إنسان تاني» في إطار اهتمام عمرو الليثي بتقديم محتوى إنساني واجتماعي هادف، من خلال تسليط الضوء على قصص إنسانية ملهمة، ونماذج ناجحة من المجتمع، لأشخاص واجهوا تحديات صعبة وتمكنوا من تجاوزها وبدء حياة جديدة.
تابعوا آخر أخبار بوابة الوفد الإلكترونية عبر نبض