لما تدعي وتتعب وتلاقي الدنيا ساكته

طب تخيل معايا المشهد ده ذاكرت ومخلص عملت اللي عليك صليت ودعيت ربنا بكل إخلاص رفعت إيدك بالدعاء وقلت يارب أنا خلاص عملت كل حاجة وبعد كل ده مفيش حاجة لا قبول في الكلية لا رد من الشغل ولا حتى علامة صغيرة في الأفق تفهمك إن الطريق صح تحس إنك بتكلم حد مش سامعك تحس إن الكون عامل ميوت  لك الموضوع بيوجع وأحيانا بيخليك تفكر هل أنا غلط هل ربنا مش راضي عني خليني أقول لك السر الحقيقي اللي ماحدش قالهولك فترة الانتظار دي مش عقاب ولا إهمال ولا حتى لا من ربنا دي مرحلة الشحن الخفي أو زي ما بنقول في التكنولوجيا دي مرحلة التحديث اللي بينزلها الموبايل في الخفاء علشان يشتغل أسرع بعد كده إيه اللي بيعملوه الناجحين غيرنا في الوقت ده الناس الناجحة مش أذكى منك ولا أحسن منك ولا ربنا بيحبهم أكتر الفرق الوحيد إنهم فهموا لغة الصمت الإلهي
الطالب العادي في فترة الانتظار بياكل نفسه قلقا وبيعيط وبيفضل يلف في حلقة مفرغة من التفكير السلبي الطالب الذكي بيعمل إيه بيعتبر نفسه زي العجين اللي داخل الفرن إنت لما بتعمل كيكة بتفتح الفرن كل دقيقة عشان تشوفها نضجت ولا لأ لأ طبعا لأنك لو فتحت الباب هتخرب الكيكة الفرن شغال في الخفاء والحرارة بتشتغل من جوه كده بالضبط فترة الانتظار بتاعتك ربنا شغال لك تحت الطاولة بيهندلك حاجات إنت مش شايفها بيبعد عنك حاجات إنت مش عارف إنها وحشة وبيجهز لك مفاجأة أكبر من اللي إنت كنت متخيلها طب إزاي تتعامل مع الصمت ده من غير ما تجنن نفسك خطوات عملية بلاش نلف كتير تعالى ناخد ٤ خطوات بسيطة جدًا زي ما بتعمل ريستارت للاب توب لما يعلق الخطوة

1 :  خد بريك وابعد عن الشاشات في الأسبوع الأول هتلاقي نفسك عايز تفتح البريد الإلكتروني كل ٥ دقائق أو تسأل أصحابك وصلهم حاجة وقف خد يوم أو يومين اعمل فيها إنك مش مهتم اخرج العب نام العقل المضغوط مش بيفكر صح خليه يهدى شوية الخطوة

2 : غير سؤالك لدعاءك الأغلبية بيدعوا بـ اللهم أعطني الذكي بيدعو بـ اللهم أرشدني يعني بدل ما تقول يارب اقبلني في الكلية دي قول يارب إن كانت دي الخير لي فسهلها، وإن كانت غير كده فاصرفها عني واهدني لأفضل منها النقلة دي بتريح قلبك جدًا لأنك مش بتصر على حاجة معينة إنت بتطلب التوجيه من الخالق اللي عارف المستقبل الخطوة

3 : اشتغل على المشروع البديل أهم خطوة الصبر مش معناه إنك تفضل نايم على الأريكة الصبر الذكي هو إنك تشتغل على حاجة جانبية مثلاً لو كنت مقدم على كلية معينة في وقت الانتظار ده اتعلم لغة جديدة أو كورس في البرمجة أو اقرأ كتاب في تخصص تاني ليه لأن لو جاتلك النتيجة وقبلوك هتكون دخلت وانت معاك مهارة زيادة تخليك مميز عن كل اللي معاك ولو مجاتلكش النتيجة هتلاقي نفسك اكتسبت مهارة جديدة تفتح لك طريق تاني أحسن في الحالتين إنت ربحان الخطوة

4 : اسلم القيادة التفويض لله تعالى لأجمل مرحلة لما توصل لحظة تقول فيها بصدق يا رب أنا تعبت ومش هقدر أكتر من كده أنت المسؤول وأنا راضي باللي تختاره لما توصل للمرحلة دي هتلاقي همك اترفع فجأة هتنام مرتاح وهتيجي لك الحلول من نفسها زي ما بيحصل لما تسيب السمكة في الصنارة وتستني هي اللي هتيجي تشد مش إنت اللي تجري وراها كلمة أخيرة إوعى تفتكر إن ربنا ناسيك أبدًا تأخر الإجابة مش معنها رفض تأخر الإجابة معنها إن ربنا بيحضر لك أكبر مما تتخيل تذكر سيدنا موسى وهو هارب في الصحراء تعبان وجوعان دعا ربنا لكنه ما دعاش وهو نايم كان سقى للغنم وتعب وجرى وبعد التعب ده جت الاستجابة ببيت وزوجة وأمان وتذكر سيدنا يوسف قعد سنين في السجن بعد ما كان بريء سنين لكنه لو خرج بدري كان هيرجع عبد عند العزيز لكن التأخير خليه ملك على مصر كلها فترة الصمت دي هي اختبار صبرك وهي معمل تصنيع شخصيتك إما هتخرج منها منهزم وإما هتخرج منها أسد