قرض تعليمي بـ700 ألف جنيه.. صفقة فساد داخل مدرسة شهيرة والضحية أولياء الأمور
نشر السيناريست أيمن سليم تفاصيل واقعة نصب صادمة تعرض لها مجموعة من أولياء الأمور داخل إحدى المدارس تسببت في توقيع مديونيات عليهم بقروض خيالية، وذلك من خلال منشور عبر حسابه الشخصي بموقع التواصل الاجتماعي الأشهر “فيسبوك”.
قال أيمن سليم: “دكتور مصطفى اكتشف إن مدرسة ابنه نصبوا عليه هو ومجموعة من أولياء الأمور، المدرسة طلبت منهم صور بطايقهم وادوهالهم بالفعل من أجل تحديث البيانات وبعد فترة اتفاجئت ولية أمر إنها عليها قرض تعليمي بـ 700 ألف جنيه”.
وتابع: “ولما قالت اكتشفوا إن ده حاصل مع كل أولياء الأمور من خلال شركة تابعة للمدرسة وبنفس الاسم كانت هي الوسيط بينهم و بين البنك و القروض دي اتاخدت بأساميهم وبطايقهم بدون علمهم و بدون أي موافقات أو إمضاءات منهم يعني في صفقة فساد معمولة مع البنك كمان علشان يسهل حاجة زي دي”.
واختتم: “ربنا معاه هو وكل أولياء الأمور اللي اتعرضوا للمشكلة وهو قال إنهم هيتخذوا الإجراءات القانونية ضد المدرسة و نتمنى إنهم مايخضعوش للامتيازات والرشاوي اللي هتعرضها عليهم المدرسة علشان يتنازلوا
تابعوا آخر أخبار بوابة الوفد الإلكترونية عبر نبض