ابنة الفنان عمرو محمد علي تنعاه بكلمات مؤثرة
رثت شهد، ابنة الفنان الراحل عمرو محمد علي، والدها بكلمات حملت الكثير من الحزن والحنين، مستعيدة تفاصيل ومواقف خاصة جمعتهما على مدار سنوات.
وكتبت شهد عبر حسابها الرسمي: "للأسف، عمري ما كنت من الأشخاص اللي بيعرفوا يشرحوا مشاعرهم ولا يعبروا عن اللي جواهم جوايا كلام كتير، ومشاعر كتير، ولكن كمان أحب دايمًا الخصوصية، ودايمًا أحتفظ بخصوصيتي في المواضيع الحساسة، حتى مع أقرب الناس ليا".
وتابعت: "كل اللي أقدر أقوله إنك هتوحشنا يا شقشق، وهيوحشني خفة دمك دايمًا كنت مختلف في خفة دمك وطريقة كلامك، ودايمًا كنت بتظهر إنك قوي ومش متألم، ومكنتش أبدًا تشتكي".
وأردفت: "دايمًا كنت تضحك حتى وأنت متألم، وأنا طلعالك في دي يا شقشق هيوحشني أول ما تشوفني تقولي شاهي حبيبة بابي، وتمسك إيدي وتبوسها هيوحشني تفاصيل صغيرة كتير مش عارفة أعبر عنها".
واختتمت حديثها: "مش قادرة حتى أتفرج على الصور دي دلوقتي، أنا وقتها قلت مش هفتح أي مواضيع قديمة تاني، وحبيت إني أحتفظ بالصور لنفسي هتوحشني أوي والله".
تابعوا آخر أخبار بوابة الوفد الإلكترونية عبر نبض