قطعت عيشي ظلم.. مدير المطعم المفصول يكشف تفاصيل جديدة عن واقعة الصلاة (فيديو)
خرج وليد العجوز مدير مطعم سيزلر أحد أطراف واقعة مزاعم سيدة بمنعها من الصلاة داخل فرع المطعم بمول العرب، ليكشف أبعاد القصة كاملة نافيًا ما نسب إليه على لسانها، والذي بسببه تم فصله من المطعم بشكل نهائي.
أول تعليق من وليد العجوز مدير مطعم سيزلر بعد فصله بسبب واقعة منع سيدة من الصلاة
قال وليد العجوز: “أنا مدير مطعم سيزلر اللي البنت قالت اني منعتها من الصلاة وقبل كل كلمة هقولها معايا فيديوهات تثبت كل كلامي من أول لحظة دخولهم المكان لحد آخر لحظة”، وذلك من خلال منشور عبر حسابه الشخصي بموقع التواصل الإجتماعي الأشهر “فيسبوك”.
لمشاهدة الفيديو اضغط هنـــــــــا
وتابع: “الموقف كان بسيط وعادي جدًا ودي حاجة كانت بتحصل بقالها كذا يوم ان لما حد بيسألنا عن مكان للصلاة بنوجه للمصلى اللي المول الل هو يبعد بأقل من 50 متر عن المطعم والناس تستجيب وتروح تصلي وترجع تشكرنا ومفيش اي مشكلة”.
واستكمل: “الموقف كان باديء مع مدير زميل ليا وهما قاموا يصلوا هي وزميلتها في آخر المحل عايزين يصلوا عند منطقة المطبخ، فانا شايفه من بعيد بيقولهم مينفعش سابوه وراحوا مكان تاني الاتجاه العكسي تمامًا، بردو قالهم مش هينفع بعتذر هنا في مصلى، مهتموش لكلامه ولا كأنه قال حاجة فدخلت بتكلم معاهم بكل ذوق وكل أدب حضرتك مش هينفع الصلاة هنا والمصلى اهي حضرتك تقدري تصلي هناك ف هي مهتمتش بكلامي وراحت قالت الله أكبر وبدأت الصلاة ، بتقولي احنا مش جايين المول احنا جايين سيزلر قلتلها حضرتك في مصلى في المول”.
وأردف: “قلتلها يعني حضرتك جايين سيزلر مش هتروحوا “التواليت” وقادرين تبذلوا مجهود تروحوا “التواليت” مش قادرين تبذلوا مجهود تروحوا المصلى تصلوا هناك قالتلي خلاص خلاص وبلاش أعلي صوتي قلتلها لا مش من حق حضرتك تعلي صوتك فبدأت تتمادى وتعلي في صوتها، طبعا انا مش صغير وعمري 50 سنة وبشتغل في الكارير بقالي أكتر من حاجة وتلاتين سنة ومش هينفع في وسط الفريق اللي بشتغل معاه وبدريهم وحد يهينك قدامهم وبعدين بيهينك قدام الناس كلها من غير سبب وانت مش بتغلط فيه بالعكس انت بتوجهه بكل احترام وأصول”.
وأضاف: “فكان ردي عليها بعد اذن حضرتك متعليش صوتك كانت في بقى معاهم ست تالتة معاهم على الترابيزة والاستاذة الفاضلة اللي كانت بتصلي خلصت صلاة وبدأت حفلة زعيق وتهليل وفي وسط المكان والكلام اتغير في لحظة اللي انا قلته ليها وبقى حاجة تانية عن التواليتات قلتلها لا أنا آسف ده بعد ما كنت بعدت عنهم عشان أتلاشاهم، التصرف ده مش صح وكده انتوا مش مرغوبين في المكان وطلبت ليهم طبعًا الأمن وشافوا طبعًا الزعيق اللي هما أصلا وصلوا على صوتهم وصوت الزعيق في المكان من التلاتة مش من واحدة بس من قبل حتى ما انده عليهم”.
مدير مطع سيزلر المفصول بسبب سيدة: قطعت عيشي وسعيدة بكده وهتعمل صدقة جارية على روح المرحوم باباها
واختتم حديثه بحزن شديد تأثرًا بفصله من المطعم بسبب هذا الموقف، حيث قال: “وكل القصة اللي دارت زي ما أنا قلت بردو في أول كلامي معايا بيها دليل وفيديوهات يوثق كل كلمة بقولها كله والنتيجة كانت قطع عيشي وانها سعيدة بقطع عيشي وانها هتعمل صدقة جارية على روح المرحوم باباها”.
تابعوا آخر أخبار بوابة الوفد الإلكترونية عبر نبض