تفاصيل صادمة
عايزة ادفن ابني.. أم تتهم مستشفى شهير بإخفاء جثة رضيعها المتوفي بعد ولادته بساعات
تناشد سيدة تُدعى إيمان السيد وزير الصحة ووزير الداخلية ورئيس الجمهورية بعد ضياع جثمان طفلها الرضيع عقب ولادته بثلاث أيام، حيث اتهمت العاملين بمستشفى جامعة الزقازيق بإخفاء جثمانه بعد وفاته التي علمت بها عن طريق الصدفة، وذلك من خلال فيديو عبر حسابها الشخصي بموقع التواصل الإجتماعي الأشهر “فيسبوك” وأرفقته بتعليق قائلة: “أنا عايزة ادفن ابني وارتاح بس”.
أم تبحث عن جثمان طفلها الرضيع بعد وفاته بمستشفى جامعة الزقازيق
دخلت والدة الطفل المفقود في حالة انهيار وقالت باكية: “اختصارًا للموضوع أنا ولدت في مستشفى جامعة الزقازيق يوم السبت وقالولي ان الطفل محتاج حضانة وفعلا الطفل دخل الحضانة وجوزي راح أيام الحد، الاتنين ، التلات ، الأربع ، ودخل الحضانة ومشافهوش ومحدش وراه أصلًا الطفل”.
لمشاهدة الفيديو اضغط هنـا
وتابعت: “سألهم الحالة تمام؟ قالوله اه الحالة تمام، طب خد بس خلص الورق ده الأول وخلصه وسلمه، وطول التلات أيام جوزي بيروح اتنين وتلات وأربع انهارده آخر يوم جوزي كان موجود لحد الساعة 1:30 كان هناك، وكل ده وقالوله ان الطفل تمام وادوله رقم وقالوله تطمن عليه من الرقم ده”.
أم تناشد وزيري الصحة والداخلية ورئيس الجمهورية: عايزة ادفن ابني وارتاح
واستكملت: "اداني الرقم وهو راح شغله برن على الرقم بتقولي أصلًا الطفل متوفي من الفجر، قلتلها طب ازاي الطفل كان متوفي من الفجر وجوزي كان عندك قالتلي معرفش هو توفى الفجر قلتلها تمام ايه الإجراءات قالتلي حد ييجي يستلم الطفل بس".
وأردفت: “جوزي راح يستلم هو وأهله مش لاقيين الطفل ولا ورق الطفل، يعني ايه طفل في مستشفى جامعة الزقازيق في الحضانة مش لاقيين ورقه ومش لاقيين أصلًا جثة الطفل؟!! قلتلولي ابنك مات إدوني ابني وفي الاخر مفيش أصلا ورق أنا معايا ورق يثبت اني ولدت في مستشفى جامعة الزقازيق ومعايا شهادة ميلاد لابني ان هو اتولد في مستشفى جامعة الزقازيق”.
واختتمت حديثها متسائلة: "أنا بقى عايزة افهم يعني ايه لا الورق موجود ويعني ايه لا ابني موجود .. أهلي بقالهم اكتر من ٦ ساعات بيلفوا هناك في التلاجات مش لاقيين ابني أدوني جثته ندفنه هرتاح احنا كده في مسلسل وبنلف وبندور حوالين بعض كلنا ودي كده سرقة أدوني ابني ريحوني".
تابعوا آخر أخبار بوابة الوفد الإلكترونية عبر نبض
