بعد تغيير مجموعها بالثانوية العامة.. كيف تسترد الطالبة ريم درجاتها الحقيقية؟| إجراءات رادعة وتدخل المسؤولين
كشف الطالبة ريم محمد أحمد صاحبة مجموع 4% في الثانوية العامة عن الإجراءات القانونية التي ستتخذها لإستعادة حقها ومعرفة مجموعها الحقيقي في الثانوية العامة، وذلك بعدما أكدت تغيره على موقع وزارة التربية والتعليم من 92.4% إلى 4%.
ريم صاحبة مجموع 4% في الثانوية العامة: مستحيل تكون درجاتي لو بكل وانا مغمضة عيني وهرفع قضية وهقدم تظلم
وقالت “ريم” خلال مداخلة مع الإعلامية نهال طايل ببرنامج “تفاصيل”: "احنا مستنيين التظلمات تفتح وانا محتاجة أشوف ورقي بخط ايديا اتعلم ولا متعلمش هل دي درجاتي مش درجاتي لان مستحيل تكون دي درجاتي"، متابعة: “ماما وبابا منهارين واحنا هنتواصل مع الإدارة التعليمية وكلمنا مدرسين وهنرفع قضية وهنقدم تظلم اصل دي مش درجة مفيش حد في الدنيا مهما كان مستواه حتى لو بيحل الامتحان وهو مغمض عينه”
وتابعت: “أنا علمي علوم ومكنتش حاطة في دماغي كلية معينة بس زي اي حد كان نفسي في مجموع عالي واخد حق مجهودي طول السنة طول ال ١٢ شهر اللي فاتوا كان نفسي ألاقي مقابل في الآخر”.
وأردفت : “أنا بناشد كل المسؤولين اي حد يقدر يساعدني أشوف ورقي ياريت يعمل كده وميستخسرش فيا المساعدة”، مضيفة: “ماما وبابا عرفوا قبلي ومامتي كانت في حالة صعبة جدا لأنها كانت شيفاني طول السنة بذاكر وكانت تفضل تقولي كفاية ونامي فا هي كانت اكتر حد بتشوفني بعمل ايه في ٣ ثانوي وعلطول تقولي احنا فخورين بيكي انتي عملتي اللي عليكي بس كانت مستنية مجموع ونتيجة مجهودي”.
واختتمت ريم حديثها قائلة: “احنا كنا راضيين قبل النتيجة ما تظهر باي حاجة تيجي واي مجموع أجيبه بس يبقى مجموعي أنا”.
تابعوا آخر أخبار بوابة الوفد الإلكترونية عبر نبض