هيئة الخدمات البيطرية تكشف كيفية اختيار الدجاج السليم قبل الشراء

 طالبت الدكتورة حنان قرني، مدير عام المجازر بالهيئة العامة للخدمات البيطرية بوزارة الزراعة، من المواطنين شراء الدجاج من مصادر موثوق منها، ومحلات معتمدة.

طرق تحضير فطيرة الدجاج الإيطالية.. وجبة متكاملة بطعم شهي لكل أفراد الأسرة

تيكا ماسالا الدجاج بالكريمة والطماطم.. وصفة هندية بنكهة غنية تناسب جميع الأذواق

 وأضافت مدير عام المجازر بالهيئة العامة للخدمات البيطرية بوزارة الزراعة، خلال مداخلة هاتفية عبر قناة إكسترا نيوز: "جوه الكيس لازم يكون مكتوب عليه القرار الوزاري والرقم الكودي بتاع المجزر المتسجل والمرخص، وبيخضع للإشراف من وزارة الزراعة والهيئة العامة للخدمات البيطرية”.

 وتابعت  مدير عام المجازر بالهيئة العامة للخدمات البيطرية بوزارة الزراعة: "بنعرف الدجاج السليم أول حاجة من ريحته، ريحة الفرخة نفسها عادية مش منفرة، يعني ريحتها مقبولة، مش ريحة حاجة بايظة.

لون الفرخة لازم يكون ما بين الأبيض المائل للوردي:

 وأوضحت: “لون الفرخة لازم  يكون ما بين الأبيض المائل للوردي، مش أكتر من كده، الجلد بتاعها لازم يبقى متماسك، لان في حاجات بيبقى الجلد متهتك واللحوم نفسها بيبقى فيها تهتك في العضلات دى نبعد عنها، أنا بمسك الفرخة أشوف جلدها سليم مغطي منطقة الصدر والجسم كله”.

 وأضافت: "بحط إيدي على العضلات وبمسكها وما فيهاش أي نوع من أنواع الملمس اللزج، الأنسجة بتاعتها متماسكة، نتأكد سلامة الكيس والبيانات المدونة عليه، ولازم يبقى الكيس بتاعها مقفول كويس ومحكم عليها، عشان ده اللي بيثبت مدى صلاحيتها للاستهلاك الآدمي".

 واختتمت حنان قرني تصريحاتها قائلة: "ممكن ألاقي في الفراخ المبردة نسبة من السوائل جوه الكيس ولكن ما تتعداش الـ2% من وزن الفرخة، ده في الفراخ المبردة، وبتبقى طبعًا صلاحيتها خمس أيام، مش أكتر من كده".