أحمد الأحمر يكشف سر انضمامه للبنك الأهلي

 كشف أحمد الأحمر، أسطورة كرة اليد المصرية، ونجم الزمالك السابق، كواليس الخطوة المفاجئة بانتقاله لصفوف فريق البنك الأهلي بداية من الموسم المقبل.

الزمالك يعلن ضم حمزة توكل لتدعيم فريق اليد

 وقال الأحمر في منشور عبر حسابه الرسمي على موقع التواصل الاجتماعي "فيسبوك": "في البداية حابب أشكر نادي البنك الأهلي على انضمامي لهم وثقتهم فيّ وأنهم حابيين يعملوا مشروع محترم ويوصلوا لمكان أحسن ولتوفير كل الإمكانات للوصول للهدف ده".

 وأضاف: “أنا عجبني المشروع جدًا ويشرفني أن أكون جزءًا منه لسببين: السبب الأول أن الفريق عنده هدف أنه يكون في مكانة أحسن، والتاني أني هأستمتع وألعب من غير أي ضغوط من اللي مريت بها آخر ٣ سنوات، لأني بأحب ”الهاندبول" جدًا، وفعلًا لسه عايز أشبع منها".

 وأكمل الأحمر: " ناس كتير مش فاهمة، فحبيت أشرح ده والموضوع بعيد عن الماديات، ومن غير شرح عشان دي حاجه تخصني".

 وأتم: "في النهاية يبقى نادي الزمالك ده بيتي اللي تربيت فيه واللي بأعتبر نفسي جزءًا منه وهو بالنسبة لي كل حاجة، وعمر ما في حاجة هتأثر على شعوري ناحية البيت اللي تربيت فيه عمري كله.

 نادي الزمالك طول عمره كبير وهيفضل كبير بولادة وجمهوره وكل اللي بيحبوه".