ماتت بسببه.. زوج ضحية ضياء العوضي يكشف تفاصيل صادمة عن علاجها بنظام الطيبات
كشف الدكتور محمود البريدي زوج الدكتورة شيماء إحدى ضحايا الدكتور ضياء العوضي، حسبما وصفها الإعلامي عمرو أديب، عن تجربة زوجته الراحلة مع نظام الطيبات مشيرًا أنه أودى بحياتها وكان السبب الأول وراء وفاتها.
د. محمود البريدي زوج ضحية ضياء العوضي يكشف تفاصيل وفاتها بسبب نظام الطيبات
روى د. محمود البريدي خلال مداخلة هاتفية مع الإعلامي عمرو أديب ببرنامج “الحكاية”، بداية تعرف زوجته على د. ضياء العوضي، مشيرًا إلى أنها تم تشخيصها بمرض الذئبة في عام ٢٠١٨ ، أتعالج مع أساتذة وأطباء وتابعت بروتوكول علاج خاص بيها لغاية عام ٢٠٢٥، لما شافت فيديوهات لضياء العوضي".
وتابع: “طلع مع حد إعلامي واترجم وقتها بإنه دكتور جديد يتبع فكرًا جديدًا في العلاج، بعتتلي زوجتي فيديوهات ليه أشوفها واقيمه قالتلي ده أستاذ في عين شمس، وقلتلها لا كلامه مش مظبوط، لكن هي عشان تعبانك ومريضة وبتاخد كورتيزون بقالها ٨ سنين وكمان مثبطات مناعة فهي تعبت من كتر الأدوية ولقت حد بيقولها هريحك خالص من الأدوية كلها وهديكي نظام غذائي هتمشي عليه وهتبقي كويسة”.
واستكمل: “بالفعل راحت له ودفعت كشف وفضل يقولها سجلي كل كلمة بقولها أنا بدلدق علم للتاريخ، وهتطلعي معايا ترند أوعديني انك تمشي على النظام بظبط أوعدك انك هتيجي تسجلي معايا وهتعيشي ٣٠ سنة كمان”.
وأردف: “سمعت كلامه ومشيت على النظام ووقفت دواها أملًا في إنها ترتاح من الأدوية لحد ما بدأت تحاليلها تبقى مش كويسة والمعمل بدأ يحذرها والهيموجلوبين وصل لحد ٦.٢٣ مناعتها ضعفت خالص وبقى عندها نزيف”.
وتابع د. البريدي باكيًا: “بدأت تستغيث بالدكتور ضياء بقى يرد كل يومين تلاتة يقولها وقفي جبنة وسابها تنزف أيام ففضلت تبعتله وتقوله أنا لو مت عيالي هيعملوا ايه، وفضلت تقوله لو معندكش حل قولي اروح مستشفى يشوف الكلام وميردش ”.
واستكمل: “أخيرًا اتصلت بيا وقالتلي الحقني انا بموت ودتها المستشفى والمناعة واقعة ومفيش اي استجابة للدوا اللي بيقولوه الدكاترة لحد ما توفت الله يرحمها”.
وأضاف: “خدت الإجراءات القانونية وقدمت بلاغ للنائب العام ضد الدكتور ضياء ولكن كان أمر الله نفذ”.
واختتم: “أنا بناشد الناس وبقولهم اوعوا توقفوا أدوية بتاعتكم”.
تابعوا آخر أخبار بوابة الوفد الإلكترونية عبر نبض