باسل سماقية يكشف حقيقة ربح شركته 3 مليون دولار يوميا (فيديو)

تحدث باسل سماقية رئيس مجلس إدارة شركة قطونيل، عن تجربته خلال 27 سنة في إدارة شركته، وكيف استطاعت قطونيل مواجهة الأزمات المختلفة، مثل جائحة كورونا والثورات، مع الحفاظ على استمرارية العمل.

باسل سماقية: أطمح للوصول بـ"قطونيل" إلى العالمية

أداة سعادة.. باسل سماقية يعلق انتقاده بسبب ملابسه ومجوهراته

وأضاف باسل سماقية في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار"، أنّ أيام كورونا كانت من أصعب وأهم الفترات على الإطلاق، لكنها كانت فرصة للتجديد والابتكار

وأوضح: "أيام كورونا كانت من السنين الكويسة قوي في شركتنا، كل يوم أنزل أروح شغلي، والعمال بيجوا وموقفناش المصانع، والفكرة اللي جت لي إن كان فيه نقص في الكمامات وعملنا الكمامات القماش، وبقت أشهر كمامة في مصر.. أنا اللي عملتها بنفسي وطورناها مع فريق العمل، وبحيي فريق العمل اللي هو أساس نجاح قطونيل.. الفريق ده هو اللي عمل المعجزات، من غيرهم ماكنش هيبقى فيه نجاح".

 شائعات الأرباح الكبيرة 

وحول شائعات الأرباح الكبيرة التي يتداولها البعض والتي تصل إلى 3 مليون دولار يوميا، علق سماقية بروح الدعابة: "في اليوم؟! في الساعة يمكن، لا إزاي الكلام ده، يا رب. بسمع كل يوم إشاعات زي إشاعة السيجار اللي مش عارف بكام".

وواصل: "قصة الطاقة الإيجابية بجيبها منين؟ أنا بفكر في الحل مش في المشكلة، في التفاؤل.. ساعات واحد يقولك السنة دي سنة وحشة، كسب السنة اللي فاتت 10 قروش والسنة دي 9 قروش، طب ربنا أدالك 9 قروش ودي حاجة حلوة، فالسر إنك تبحث عن الشيء الإيجابي".

وتطرق سماقية إلى نصائحه للشباب الطامح، مؤكداً أن النجاح يبدأ بالإرادة والانضباط الشخصي: "يحط الموضوع ده طموح ويقدر يبدأ، وأنا بدأت بعدد مكن قليل، ويقدر يشتغل ويبقى مخلص مع ربنا في شغله، ولكل مجتهد نصيب.. الصحيان بدري ده سر من أسرار النجاح، ناس كتير مش عارفينه.. أنا بنام قليل قوي، ممكن 4 ساعات في اليوم كله، وبصحى صاحي حتى يوم الإجازة بصحى.. الناس لازم تفهم إن الالتزام والنية الصافية في الشغل هما اللي بيخلقوا الفرق".
 

وتحدث باسل سماقية رئيس مجلس إدارة شركة قطونيل، عن أسلوبه في اختيار ملابسه ومجوهراته، مؤكداً أنه يختار ما يحب دون الالتفات لآراء الآخرين على مواقع التواصل الاجتماعي.

وأضاف باسل سماقية في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "النهاردة أنا مهدي شوية مع إن ده الفاشون، أنا بحب التفاؤل بحاجات كتير، الخاتم ده حجر زمرد اشتريته من عند حد عنده حاجات قديمة وبتفاءل بيه وبلبسه معظم أيامي دلوقتي".

وتابع: "مابتضايقش وعمري ما رديت على أي تعليق على السوشيال ميديا في حياتي، أنا معنديش وقت".

وعن المجوهرات والإكسسوارات،  قال باسل سماقية: "ده فيه دايموندز صغيرة؟ فاشن آه. أنا بلبس اللي بحبه ومادام مابأذيش حد، لا بأذي حد ولا بضر حد ولا باكل حاجة على حد، مفيش حاجة".

وأكد أن أسلوبه الشخصي في اللبس يعكس شخصيته ويبعث بالطاقة الإيجابية له: "الملابس والحاجات اللي بختارها ليها تأثير على نفسيتي، وأنا أحب أعيش مع اللي بيخليني مبسوط".