انت بالذات متتكلمش.. راقصة أجنبية مشهورة تفتح النار على حسن شاكوش (ما القصة؟)
شنت راقصة أجنبية مشهورة هجومًا عنيفًا على مطرب المهرجانات حسن شاكوش، بعد انتقاده فتاة واقعة التحرش في الأتوبيس الترددي، وذلك خلال مقطع فيديو عبر حساباتها على مواقع التواصل الإجتماعي.
راقصة أجنبية تهاجم حسن شاكوش: أنا جوزي وكل الرجالة اللي أعرفهم كلهم استحاله يلبسوا اللبس اللي أنت بتلبسه
قالت الراقصة الأجنبية: "أنا عندي سؤال للأستاذ المحترم حسن شاكوش، أنت اتكلمت على البنت اللي اتعرضت للتحرش داخل الأتوبيس صح؟، أنت قولت إنها ليست محترمة بسبب ملابسها ووضعها لـ "البيرسينج" في فمها".
وأضافت: "السؤال بقى أنت عندك مرايا في البيت عشان ميصحش أنت بالذات تتكلم إن بنت أو راجل وأي بني آدم مش محترم عشان ملابسه".
واختتمت رسالتها الهجومية على شاكوش بقولها: "أنت عندك مرايا في البيت؟؟، أنا جوزي وكل الرجالة اللي أعرفهم كلهم استحاله يلبسوا اللبس اللي أنت بتلبسه".
حسن شاكوش يهاجم فتاة الأتوبيس: هي باينة هي عايزة إيه
وكان حسن شاكوش، انتقد مريم شوقي المعروفة إعلاميًا بـ"فتاة الأتوبيس"، بعد اتهامها شاب بتتبعها والتحرش بها وسرقتها داخل أحد الأتوبيسات، في قضية هزت الرأي العام خلال الأيام الماضية، وذلك خلال مقطع فيديو عبر حسابه الشخصي بمنصة تيك توك.
وقال حسن شاكوش : "البنت اللي حطالي 20 حاجة في بوقها دي، وتقولك الشاب اتحرش بيا، هي باينة هي عايزة إيه، ولو هي بنت محترمة مش هتحط الحاجات اللي عند بقها دي، لكن الشاب اللي في الفيديو شكله محترم جدًا".
