عملت بلوك لـ 243 واحد متربوش.. سالي عبد السلام تثير الجدل بمنشور صادم (شاهد)
نشرت الإعلامية سالي عبد السلام عبر صفحتها الرسمية على موقع التواصل الاجتماعي «فيسبوك» منشورًا أوضحت فيه أسباب نشرها المتكرر لبعض الوقائع والمواقف المجتمعية، مؤكدة أن الهدف منها هو "تنضيف" صفحتها وعمل فلتر للمتابعين.
وأشارت منى إلى أنها قامت بحظر 243 شخصًا، موضحة أن آراءهم لا تتناسب مع مبادئها ولا ترغب في وجودها على صفحتها، مؤكدة أنها لا تقبل إلا بالاحترام، قائلة:" انا عاملة ل ٢٤٣ واحد وواحدة بلوك متربوش وارائهم لا تصلح انها تكون عندى ومش هقبلها ولا يصح الا الصحيح".
وأضافت أن المجتمع يضم الكثير من الأشخاص المحترمين والجدعان، مؤكدة تمسكها بهذه القيم ورفضها لأي سلوك أو رأي يخالفها ،مضيفة:" احنا مجتمع محترم وجدعان وهنفضل كدة و مش هقبل غير كدة!
وكانت قد أعلنت الإعلامية سالي عبدالسلام عن خبر حملها، موجهة الشكر لمتابعيها ومحبيها على التهاني التي تلقتها عبر حسابها على فيسبوك.
وكتبت سالي: " بسم الله نبدأ ٢٠٢٦ ببركة ورزق و هبة من الله، انا من امبارح عايزة اعيط من جمالكم بجد! انا شفت دعوات عمري ما شفتها في حياتى..شكراً من قلبي، معجزة حصلت بسبب دعواتكم، ده اللي بقول عليه بداية سنة سعيدة، كل اللى حواليا قالولى متقوليش..اسكتي..قولي لما تولدي..بس حقكم تعرفوا".
وتابعت: "حقكم انكم تعرفوا دعواتكم اللى شوفتها وسمعتها أو اتقالت لي في وشي ان ربنا كرمني بيها و بكل واحد فيكم…وده سر قوتي وعمري ما بنسى، لما الناس بتقولي اشمعنى انتي بيدعولك أو بيحبوكي بخاف اتحسد عليها اه دعوات الناس تغير الاقدار ومستجابة اكتر من دعواتي لنفسي".
وأضافت: "لو قولتلكم انى استنيت دوري سنين عشان ربنا يرزقني الرزق والهبة دي عارفة انكم هتصدقوا ..الحمدلله خسرت تؤام بس ليا بيتين في الجنة و بدعواتكم ربنا كرمني و هيكرمني وهيكملها على خير و هيبقى معايا زينة الحياة الدنيا واللي يوهبه رضا اي كان، وهو علي هين الوهاب".
وأنهت حديثها قائلة: "عايزة دعوات كتير اوي ،اكتر من الدعوات اللي فاتت والله عشان الطريق مش سهل وكل شوية يحصل حاجة تصعب المشوار و مضاعفات وكل شوية اخاف اكتر أضعاف ما دعيتم و تمنيتم يا رب، ربنا يرزق كل واحد نفسه يا رب"
