ارحموا بناتنا وسيبوهم لوجه الله.. طلب إنساني من نهال طايل بعد واقعة فتاة الأتوبيس
علقت الإعلامية نهال طايل على مريم فتاة الأتوبيس، وأن مجتمعنا نتحدث عن الأصول ونبحث عن القيم، ووقت الشدة يهرب الجميع من الموقف، قائلة: «محدش قدر من اللي في الأتوبيس يوقف الشاب عند حده ويقوله أنزل أو أقعد أو إنت بتبص لها كده ليه».
نهال طايل عن مهاجمي مريم فتاة الأتوبيس: ملقتش حد يجيب حقها وكله كان بيتفرج عليها
وتابعت الإعلامية نهال طايل حديثها خلال برنامجها «تفاصيل» الذي عُرض عبر فضائية صدى البلد 2، قائلة: «أنا كان نفسي أشوف حد بيساند مريم ويقول لها اقعدي انتي وأنا هتكلم، ولو ما كانتش قدرته وسمعت الكلام كان هيبقى لينا رد فعل تاني، لكن مريم كل اللي حست بيه شوية أمان انفعلت وصورت الواقعة، والنتيجة زي ما إحنا شوفنا، حتى اللي اتكلم قعد يهين فيها ويقول لها بصي لنفسك وشوفي إنتِ لابسة إيه».
اللي يلاقي بنت ماشية في حالها يسيبها لوجه الله.. نهال طايل تعلق على واقعة مريم فتاة الأتوبيس
وأشارت الإعلامية نهال طايل إلى أن الجاني الذي قامت مريم بتصويره كان ينظر إليها نظرة استفزاز، ونظراته كانت توحي إلى أنه لا يخاف من أحد ولا يفرق معه عما إذا كانت تصوره أم لا، قائلة: «مجتمعنا قوم ارحموا بناتنا شوية، اللي تشوفوها ماشية في الشارع سيبوها ماشية في حالها، واللي ما تبصش عليك ما تسألش فيها، وسيبها في حالها».