اللحمة من المحرمات والفراخ هتحصلها.. تامر أمين يستغيث بالحكومة من الأسعار الجديدة للبروتين قبل رمضان
أطلق الإعلامي تامر أمين صرخة استغاثة بسبب ارتفاع أسعار الفراخ واللحوم والبانيه، تزامنًا مع قرب حلول شهر مضان المبارك 2026، وذلك خلال تقديم برنامجه “آخر النهار”.
تامر أمين يطالب الحكومة بالتدخل لضبط الأسواق بعد ارتفاع أسعار اللحوم والفراخ
طالب تامر أمين الحكومة بالتدخل لضبط الأسواق، حيث قال: “العرض والطلب على عينى وراسى، لكن أنا مش مع اقتصاد السبهللة إن القوى يدوس على الضعيف، كيلو البانيه يوصل إلى 250 و300 جنيه، لأ”.
وأضاف: "زمان كنا بنسكت ونقول أزمة دولار وخامات وآدي الله وآدي حكمته، لكن دلوقتي السكوت جريمة ومشاركة في اللي بيحصل، لأن الأسباب زالت وأسعار الخامات ثبتت بل وفيه حاجات رخصت، فبأي منطق السعر يفضل يرفع كدة؟"
واستكمل: “الفراخ بالنسبة لي سلعة استراتيجية حيوية زي العيش بالظبط، لأنها مصدر البروتين الوحيد المتبقي للأسرة المصرية. اللحمة بقالها سنين بقت من المحرمات عند شريحة كبيرة من الناس بسبب سعرها الجنوني، فكان البديل هو شوية الفراخ اللي بنسند بيهم حالنا، فماينفعش هي كمان تتجنن وتتحول لمحرمات عند الأسر، ده شيء لا يمكن السكوت عنه أبداً”.
وأردف: “مفيش مبرر للزيادة دي غير إنها 'مجموعات مـصـالـح' بيكسبوا على حساب قوت وبروتين الغلابة، وإحنا هنا مش هنتصالح معاهم، لا إحنا نكشفهم ونهدم كيانهم ماينفعش شوية سماسرة لا يتعدوا الـ 30 واحد يتحكموا في رقبة 100 مليون مصري ويحددوا السعر بمزاجهم بعيد عن الرقابة والبورصة”.
وتابع: “الاقتصاد الحر له أنياب، لما ألاقى فى تجار بتيجى على الغلبان، ولما ألاقى فى احتكار وتحكم فى السوق، وزيادة غير مبررة، هنا أتدخل وبسيف القانون وأقطع الرقاب، احنا بنتكلم في أمن قومي غذائي يا جماعة”.
واختتم تامر أمين حديثه قائلًا: “ولما يوصل كيلو البانية لـ 300 جنيه في أماكن زي التجمع يبقى فيه حاجة غلط كبيرة لازم تتحسم، لأن صاحب المحل بيستغل الموقف وبيبيع على حسب المنطقة والناس هي اللي بتدفع الثمن في الآخر”.
- أسعار الفراخ
- اللحوم
- ارتفاع أسعار الفراخ
- ارتفاع أسعار الفراخ واللحوم والبانيه
- تامر امين
- صرخة استغاثة
- استغاثة بسبب ارتفاع أسعار الفراخ واللحوم والبانيه
- أخر النهار
- سعر اللحمة
- سعر البانية
- سعر الفراخ
- سماسرة
- البورصة
- الرقابة
- أمن قومي غذائي
- التجمع
- منوعات
- تصريحات تامر امين
- ترند
- أسعار الفراخ اليوم
- أسعار اللحوم اليوم
- اسعار الدجاج اليوم
- أسعار السمك اليوم