رجوع وصلح لقاء الخميسي وعبد المنصف بعد أزمة زواجه "متديش فرصة لحد يهد بيت العيلة"
أعلنت الفنانة لقاء الخميسي عن تصالحها مع زوجها كابتن محمد عبد المنصف بعد أزمتهما الأخيرة، حينما كشفت عن زواجها منه لمدة ٧ سنوات.
نشرت لقاء الخميسي مقطع فيديو يتضمن مجموعة صور ولقطات تذكارية لها مع زوجها وأبنائهم وأرفقته برسالة مؤثرة قائلة: "الدنيا يتختيرنا دائماً وأبداً ، أيام بتسعدنا وأيام يتبعدنا وتزعلنا وتجرحنا مع نفسنا !
وأضافت: الحكمة بتظهر من قلب الحزن .. وبنقعد نفكر ايه الصح وايه الغلط وهل اللي عدينا بيه شر ولا خير . ومع الوقت ، ولما النفس تهدى والعقل يفكر والقلب يدق ، بنكتشف ان كلنا ينغلط وبنتوه شوية في وسط الزحمة ، في ناس بتغلط وتكمل في الغلط ! وفي ناس بتغلط و يترجع لحكمتها ويتندم وتصحح الخطأ . "خطائين وخير الخطائين التوابين "
واستكملت: "مافيش حد ما بيغلطش ، بس القوي الحقيقي بيعترف بالغلط وبيرجع لصوابه. ربنا فتحلنا باب المغفرة والسماح".
وأردفت: “شكرا من قلبي لكل انسان دعمني ووقف جنبي وطبطب عليا وشكرا لكل اصدقائي المقربين اللي وفقو جنبي وكل من دعمني من اصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة”.
واستطردت: “اخر حاجة هاقولها ، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا واولادنا يالحب .. والسلام كلنا بنغلط ، وبنندم ونرجع لصوابنا .. ونرجع ببداية جديدة مليانة شغف وحب وسلام وراحة بال".
واختتمت: “لكل ست وربة منزل حافظي على بيتك وعيلتك بكل قواكي وأوعي تدي الفرصة لأي انسان انه يهدم بيت العيلة … بحبكم من كل قلبي أصدقائي وعيلتي الكبيرة”.