"اللهم بلغت".. تهديد صادم من شقيق شيرين عبد الوهاب لنقيب الممثلين والموسيقيين (ما القصة؟)
وجه شقيق شيرين عبد الوهاب رسالة شديدة اللهجة لكل من الدكتور أشرف زكي نقيب الممثلين والفنان مصطفى كامل نقيب الموسيقيين، متهمًا الثنائي بالإتجار بأزمة شقيقته، وذلك خلال منشور عبر حسابه الشخصي بموقع التواصل الإجتماعي الأشهر “فيس بوك”.
شقيق شيرين عبد الوهاب لنقيب الموسيقيين والممثلين: كفاية متاجرة بيها
كتب شقيق شيرين عبد الوهاب: "الاستاذ نقيب الموسيقيين و الاستاذ نقيب الممثلين هو ليه حضرتكم مبتظهروش في الصورة غير لما يكون في حاجه
يعني ليه مش بتسألوا عليها في الايام العادية طالما امرها يهمكم اوى كده خلاص بقي كفايه متاجره ارحموها بقي".
وأضاف: “والسادة الصحفيين والمعدين والإعلاميين محدش يكلمني انا مش هعمل اي حوار واي مداخله ولا اي شيء انتو بردو ناس كلكم عايزين ريتش وترند فقط ليه محدش فيكم بيكتب لها والدنيا هاديه كلام حلو بدون ما يكون في ازمه او مشكله كفايه بقي الله يخليكم والله حالتها تصعب علي الكافر ومحتاجه هدوء عشان تعرف تتعافي اخباركم وكلامك والله بياثر عليها”.
واستكمل: “انا اتكلمت بحترام وادب بعد كده هقل ادبي علي التخين فيكم وانا والله بطولي بس بعون الله قد اي حد وبينا القانون”
شقيق شيرين عبد الوهاب: مفيش اي حد ليه الحق يطلع يتكلم او يكتب عن شيرين حاجة ايا كان صفته نقيب إعلامي صحفي شاعر ملحن موزع الكلام للكل
واختتم شقيق شيرين عبد الوهاب رسالته قائلًا: “مفيش اي حد ليه الحق يطلع يتكلم او يكتب عن شيرين حاجة ايا كان صفته نقيب اعلامي صحفي شاعر ملحن موزع الكلام للكل . اللهم بلغت اللهم فاشهد”.