فنانة مشهورة وراء أخبار وفاة ميرنا وليد (ما القصة؟)
كشفت الفنانة ميرنا وليد لأول مرة عن سر تكرار شائعة وفاتها، وذلك أثناء حلولها ضيفة على برنامج صفحة بيضا مع الإعلامية يمنى بدراوي.
أول شائعة وفاة تطارد ميرنا وليد بسبب ميرنا المهندس
قالت ميرنا وليد: “من زمان أوي والشائعة دي بتطلع، ويمكن اختفائي شوية هو السبب، يعني أول مرة الشائعة دي طلعت لما الله يرحمها ميرنا المهندس توفيت، ويمكن عشان ميرنا وشها مكنش مألوف وأنا لما طلعت اتعرفت باسم ميرنا بس فالناس ربطت أن ميرنا المهندس تبقى أنا”.
وأضافت: "وقتها الناس اتصلت بماما وبدأوا يعزوها ويسألوها لو يساعدوها في حاجة وقصة، والباقية في حياتك في ميرنا وبتاع ورجعت لاقيت البيت مندبة، دي كانت أول شائعة”.
سر تكرار شائعة وفاة ميرنا وليد
واستكملت: "أنا لأني مش كثيرة الظهور فالناس لما تلاقيني اختفيت بتيجي تقول ميرنا ماتت، المشكلة بقى أنهم بقوا يتكلموا في تفاصيل موتي معرفش الحادثة ازاي ومين كان معايا، ده في ناس موتوني معاهم وأنا والله ما كنت أعرفهم، اتعودت مردش وهيلاقوني طالعة في مكان فهيعرفوا أني مموتش بس”.
