كريم الديب يقدم اعتذاره لجماهير الاتحاد السكندري

 قدم اللاعب كريم الديب رسالة اعتذار لجماهير الاتحاد السكندري عبر صفحته بالتواصل الاجتماعي "فيسبوك".

 وقال الديب: “رسالة مهمة لجمهور النادى الحبيب الناس المحترمة اللى ليهم فضل عليا بعد ربنا سبحانه وتعالى فى صناعة اسمى، الناس اللى بتنتقدنى قبل ما تدعمنى أى حاجة منهم على راسى، أتمنى محدش يتأثر بالفئة اللى بتصطاد فى المياه العكرة، الناس دى الجمهور والنادى برىء منهم، أنا راجل بتاع شغل وقليل الكلام والظهور وطول عمرى بشتغل بس أنا بعتذر عن الفترة الأخيرة كلها أنا عارف أنكم متعودين منى على الحلو دايمًا فى الملعب علشان كدا متفهم زعلكم لكن الفئة الشاذة القليلة اللى بيكون فيه منهم تجاوز وتطاول يتعدى حدود النقد والخوض فى أعراض الأهل بألفاظ لا يقبلها أى إنسان ولا يتحملها بشر، دول مش محسوبين علينا ربنا يعلم حبى الكبير ليكم ولنادى الاتحاد السكندرى وأوعدكم بالأفضل فى القادم ”.

 أتمنى الرسالة تكون واضحة ويكون مصلحة النادى رقم 1

شكرًا وبأعتذر عن الإطالة.