إشادة واسعة من محمد سامي بالممثلين وفريق عمل مسلسل "الست موناليزا" لـ مي عمر
أشاد المخرج محمد سامي بمسلسل الست موناليزا بطولة الفنانة مي عمر، مؤكدًا أن العمل فني متكامل على جميع المستويات، وذلك بعد حضوره جلسة مونتاج ومشاهدة عدد من المشاهد، مشيدًا بفريق العمل والممثلين والإنتاج والإخراج.
وكتب محمد سامي عبر حسابه على فيسبوك: “دعاني المخرج الكبير وأخوي المحترم أستاذ محمد علي وصديقي المنتج طارق فهمي للمونتاج، واتفرجت معاهم على مشاهد من مسلسل الست موناليزا بطولة مي عمر وعدد كبير من النجوم والنجمات، ما شاء الله على الروعة اللي أنا شفتها”.
وأضاف: “مسلسل جميل مكتمل في كل شيء، كتابة من المؤلف الجامد محمد سيد بشير، وتصوير للعبقري عمرو فاروق، وملابس الفنان سعيد رمزي، وديكور المتمكن كريم المهدي، وإنتاج محترم من المنتج حسن العسيري، وتنفيذ المحترمين الجامدين طارق فهمي وأحمد عبد الوهاب وفريقهم اللي عامل مجهود جبار، مونتاج رائع للأستاذ الكبير معتز الكاتب، وموسيقى جميلة للموسيقار الكبير عمرو إسماعيل”.
وأشار محمد سامي إلى حالة الممثلين، قائلًا: “ده غير إن كل الممثلين في أجمل حالة ليهم، بجد أستاذ محمد علي قائد يدير بحكمة وفن واحترام واحتراف شديد، ده غير السلاسة والنعومة والمشاعر اللي متوزعة بميزان ذهب”.
واختتم: “مبسوط جدًا باللي اتفرجت عليه وربنا يكملك يا محمد على خير، وتنجح نجاح كبير بقدر اسمك ومكانتك، وأجمل حاجة إن كل الشغل ده في محطة كبيرة مهمة واقفة ورا كل تفصيلة فيه، البيت الكبير اللي بيدعم بإخلاص شديد وبيهتم بكل سطر في المشروع، قناة MBC، الجامدين بزيادة أستاذ محمد عبد المتعال وأستاذ محمد مصطفى”.
