قانون ربنا اللي خان يتخان.. طليقة أمير طعيمة تحذر لقاء الخميسي من السقوط بالفخ
وجهت جيني كامل طليقة أمير طعيمة رسالة خاصة للفنانة لقاء الخميسي، بعد أنباء زواج زوجها محمد عبد المنصف سرًا من الفنانة إيمان الزيدي لمدة ٧ سنوات وانفصالها رسميًا فجر اليوم، وذلك خلال منشور عبر حسابها الشخصي بموقع التواصل الإجتماعي الأشهر “فيس بوك”.
جيني كامل للفنانة لقاء الخميسي: حكمي عقلك يا محترمة
كتبت جيني كامل: "نصيحة خاصة للفنانة لقاء الخميسي … حكمي عقلك يا محترمة يا بنت الأصول
بغض النظر إنك كنتي تعلمي أو لا ".
وأضافت: “الزوجة التانيه واضحة جدا سكتت علي زواج من راجل متزوج سنين جايه النهارده تعمل بحياتك ترند رخيص ده غير إنها لو فيها خير ما كانتش من الأول وافقت بزيجة من راجل متزوج وعنده أولاد طوله ”.
وتابعت: “لو كان عندها بديل ماكنتش وافقت وشوفنا نماذج في حياتنا لا تعد فوتي الفرصة عليها وسبيها تتشقلب وتعمل أكتر من كده لو علي المعرفه عرفنا وفي الآخر لا يصح إلا الصحيح وأطلقت”.
وأردفت: “وتاني اللي خان يتخان ده عدل وقانون رب العباد حاسبيه أنتقمي منه وخدي حقك زي ما تحبي في البيت وما تخسريش عيالك أبدا حياة سوية كانوا عايشينها عشان هتشوفي خساير فيهم اكتر كتير من خراب بيتك”.
واستكملت جيني كامل نصيحتها للقاء الخميسي قائلة: “وربنا يعوضك خير في كل حاجة حتي لو اتغدر بيكي ده كان بيشيل عنك حاجات كتير أنتي مش عرفاها ربنا له حكمة في كده والله أقلها ان عيالك ماشيين على الأرض بخير”.
واختتمت جيني قائلة: "وربنا معاكي ويديكي السكينة والطمأنينة وراحة القلب دول أهم
كتير من أزمات الدنيا والله".