خدوا بالكم من دقات قلبكم.. تامر حسني يوجه نصيحة مؤثرة لمتابعيه

نشر الفنان تامر حسني رسالة مطولة عبر حسابه الرسمي على موقع تبادل الصور والفيديوهات الأشهر إنستجرام، وجه من خلالها نصيحة لجمهوره حول أهمية استغلال الوقت وعدم الاستهانة بالأشياء البسيطة في الحياة، مؤكدًا أن إهدار الوقت في أمور غير مهمة قد يكلف الإنسان الكثير دون أن يشعر.

وتحدث تامر حسني في منشوره عن دقات القلب، موضحًا أن لكل إنسان عددًا محددًا منها في حياته، وأن التفريط فيها على أمور لا تستحق يعد خسارة حقيقية، داعيًا متابعيه إلى التوقف مع أنفسهم ومراجعة المواقف التي مروا بها، والتفكير فيما إذا كانت تستحق هذا القدر من الوقت والجهد أم لا.

قائلًا:" صباح الورد حبايبي، سمعت تحليل عظيم أحب أنقلهم لكم جايز يفيدكم بس ركزوا فيه جدااااااااااااااا… ربنا سبحانه و تعالي بيخلقك و يديك هديه ٥ مليار دقة قلب مثلا لو هتعيش ل ٧٥ سنة او ٨٠، شوف بقى تقريبا أنت ضيعت منهم ٢ مليار و نص خلاص فا تيجي بعد شوية تقول لنفسك إيه ده !!!! هل المواقف اللي عيشها دي كانت مستاهله أضيّع عليها من عمري كل الدقات دي ؟؟!.. فإنت أو إنتي من دلوقتي قولوا لنفسكم .. هل القصة دي او الزعل ده او المشكله دي هتاخد من حياتي مثلا ٢٠ الف دقة قلب .. هل تستاهل؟  المقصود إنك متضيعش عمرك و دقات قلبك على حاجات متستاهلش الدقات اللي بتروح متبرعش تاني".

واختتم تامر حسني رسالته بالتأكيد على أن كلامه نابع من تجاربه الشخصية، وموجه لكل من يضيع وقته وطاقته في أشياء لا تستحق، مشددًا على أهمية التركيز على ما يمكن تغييره في الحياة، وليس ما خرج عن الإرادة.

قائلًا:"دايمًا يقول إن اللي صاحي دلوقتي و الكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنيه و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط بص قدامك ركز في وقتك و حالك مش حال الناس مستنيك نجاح كبير و رحله و متضيعش وقتك و دقات قلبك في حاجات متستاهلش".