هيثم شعبان: لاعبي الدوري المصري معندهمش أساسيات الكرة

تحدث هيثم شعبان المدير الفني السابق لفريق طلائع الجيش عن مشاركة منتخب مصر الثاني في بطولة كأس العرب بقطر. 
وقال شعبان في تصريحات مع سهام صالح لبرنامج الكلاسيكو على قناة اون: حلمي طولان اسم كبير وكلنا بنتعلم منه، لكن التجربه دي كانت المفروض يكون مدرب شاب ولاعبين شباب.. زي حمزه عبدالكريم أو المنتخب الاولمبي بجوار اللاعبين أصحاب الخبرات 
واضاف: لازم ندعم كابتن حلمي طولان وكل الاختيارات دي طالما هو الاختيار، ومفيش منتخب دلوقتي بقى سهل الكل بقى منتخب بيجمع مجنسين أو لاعبين محترفين 
وتابع:  قطه وقع من المنتخبين وهو يستحق أنه يكون موجود لانه من أبرز اللاعبين في الدوري، كان لابد من الانضمام للمنتخب الأول أو الثاني 
وأردف: مفيش لاعيب في مصر معندوش مشكلة في التأسيس، فيه لاعبيه كبيره مش عندها اساسيات كورة القدم، و زيزو في بداياته كان عنده مشكله لكن دلوقتي نضج