آيتن عامر تكشف سبب رفضها لـ "الطبطبة والأحضان" (فيديو)
كشفت الفنانة آيتن عامر جانبًا حساسًا من شخصيتها، معربة عن رفضها للمجاملات الجسدية واللمسات الحنونة من الآخرين.
لو حد حضني هعيط.. مش بحب حد يسلم عليا أو يطبطب عليا
وقالت آيتن عامر خلال استضافتها في برنامج "صاحبة السعادة" على قناة dmc،: "أنا دايمًا لما حد من صحابي البنات يجي يسلم عليا، لو حضني هعيط مش بحب حد يسلم عليا أو يطبطب عليا بحس إن ده بيكشف حالة ضغط جوا عندي، وده شيء بحاول أخفيه وأكتمه".
وأضافت: “ناس كتير تتمنى حد يطبطب عليها، لكن أنا مش عايزة كده مش عايزة حد يقولي "مالك؟" أو “إنتي فيكي إيه؟" الموضوع ده بيضايقني جدًا لو شايفين إن في حاجة، سبوني ساكتة، سبوني أنا متمسكة بنفسي".
أي لمسة للضعف اللي جوا بتكشف عن اللي بحاول أخفيه طول الوقت
وتابعت: "بحس إن أي لمسة للضعف اللي جوا بتكشف عن اللي بحاول أخفيه طول الوقت حتى في بيتنا، أنا وفاء أختي دايما تقول ليوسف ابني متعيطش لو حصل حاجة، وأنا أقول له 'لا، عيط لو موجوع، عمر ما دموع الراجل كانت عيب".