بعد كارثة مدرسة سيدز.. مقترح عاجل من هاني عادل لحل أزمة التحرش بالأطفال
تقدم الفنان هاني عادل بمقترح مهم وفعال للقضاء على ظاهرة الإعتداء على الأطفال جنسيًا بالمدارس، على خلفية واقعة التحرش بالأطفال في مدرسة سيدز الدولية، وذلك خلال منشور عبر حسابه الشخصي بموقع التواصل الإجتماعي الأشهر “فيس بوك”.
مقترح عاجل للقضاء على التحرش بالأطفال في المدارس
قال هاني عادل: “طيب مقترح اخير .. ممكن تتعاون الهيئه العامه للصحه النفسيه وزاره التربيه والتعليم مع بعض ويلزموا جميع مدارس الجمهوريه الخاصه والعامه بتعيين طبيب نفسي في كل مدرسه ويكون هذا الطبيب او الاخصائي الاجتماعي له سلطه مخوله له من الوزاره”.
وأضاف: “ويعمل التقارير بتاعته عن الطلبه ومشاكلهم النفسيه سواء كانت من المدرسه او البيت ويسلمها كل أسبوع للوزاره وليس لاداره المدرسه وتعرض علي لجنه متخصصه في الوزاره بالصحه النفسيه للأطفال والمراهقين”.
وواصل: “يعني المدرسه هتبقي فقط بتدفع راتب الدكتور او المتخصص وليس لها اي صلاحيه عليه ومتقدرش تمنعه يتكلم او يقدم تقاريره الخاصه بالصحه النفسيه للطلبه ويبقي ليه الصلاحيه كمان انه يقعد مع المدرسين والعاملين في المدرسه اللي بيشتكوا منهم الطلبه”.
واستكمل: “وكمان يبقي فيه احكام رادعه للطلبه المتنمرين او لاهلهم والطلبه اللي بيهينوا المدرسين في المدارس”.
واختتم هاني عادل منشوره قائلًا: “يعني نحاول نشوف حلول اي حلول يا جماعه الموضوع بجد مخيف من الناحيتين”.